Літва: Сітуацыя падчас вучэнняў «Захад» спакойная, незаконная міграцыя скарацілася
Кіраўнік Службы аховы дзяржаўнай мяжы Літвы (VSAT) Рустам Любаеў заявіў, што ў пятніцу, калі Расія і яе саюзніца Беларусь пачалі сумесныя ваенныя вучэнні «Захад», сітуацыя на літоўскай мяжы заставалася спакойнай, а плыні незаконнай міграцыі скараціліся.
«Магу сказаць, што першыя выхадныя актыўнай фазы вучэнняў «Захад» на мяжы прайшлі дастаткова спакойна як з пункту гледжання незаконнай міграцыі, так і ў плане розных іншых інцыдэнтаў на дзяржаўнай мяжы. Памежнікі за выхадныя не зафіксавалі якой-небудзь павышанай актыўнасці на мяжы з Беларуссю і Расіяй», — сказаў Р. Любаеў у панядзелак у эфіры радыё LRT.
«Што датычыцца незаконнай міграцыі, плыняў таксама не фіксавалася, можна сказаць, што падчас вучэнняў плыні нелегальнай міграцыі на мяжы з Беларуссю скараціліся», — дадаў ён.
Аднак, па яго словах, у сярэдзіне мінулага тыдня, перад пачаткам актыўнай фазы вучэнняў, было зафіксавана павелічэнне колькасці спроб незаконнага перасячэння мяжы.
«Але ў цэлым, ацэньваючы сітуацыю ў нашым рэгіёне, можна сказаць, што напружанасць захоўваецца, а плыні незаконнай міграцыі застаюцца дастаткова вялікімі», — адзначыў кіраўнік VSAT.
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары