У Мінску зафіксаваны выпадкі, калі ўладальнікі банкаўскіх картак ненаўмысна становяцца так званымі дропамі.
Праз іх рахункі злачынцы пераводзяць грошы, скрадзеныя ў іншых грамадзян. Гэта можа адбыцца пры карыстанні неафіцыйнай плацежнай сістэмай, якая рэкламуецца ў сацыяльных сетках: паведамляе прэс-служба МУС.
Сайт прапануе пераводы без камісій, аднак на практыцы не адпраўляе грошы адрасату і паведамляе пра памылку. Для вяртання сродкаў «служба падтрымкі» патрабуе аформіць дадатковую банкаўскую картку.
Атрымаўшы рэквізіты новага «пластыка», махляры выкарыстоўваюць яго для вываду грашовых сродкаў, выкрадзеных у іншых грамадзян па іншых схемах падману, у тым ліку пад падставай дэкларавання.
Калі вы патрапілі ў падобную сітуацыю або заўважылі на сваім рахунку серыю незвычайных залічэнняў і спісанняў на розныя сумы — неадкладна паведаміце пра гэта ў міліцыю.
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары