Доктара з Гродна асудзілі за «распальванне варожасці» і «фінансаванне экстрэмізму»
У Гомельскім абласным судзе вынесены прысуд 64-гадоваму доктару ўльтрагукавой дыягностыкі з Гродна Сяргею Рамашову.
Яго абвінавачвалі ў «распальванні варожасці» (ч. 1 арт. 130 КК) і «фінансаванні экстрэмісцкай дзейнасці» (арт. 361-2 КК). Які менавіта тэрмін прызначылі лекару — невядома. «Гомельская Вясна» толькі мае інфармацыю, што доктара асудзілі да пазбаўлення волі.
Пра Сяргея Рамашова вядома, што апошняе ягонае месца працы — лекар ультрагукавой дыягностыкі гарадской паліклінікі № 4 Гродна. Ён захапляўся гульнёй у шахматы. У 2022 годзе Рамашоў стаў пераможцам абласнога турніру ў шахматах сярод супрацоўнікаў медычных установаў.
Каментары