На Лепельшчыне рэабілітавалі бабра, які нібыта высушыў цэлае возера
У Лепельскім раёне Віцебшчыны амаль цалкам высахла возера Кастрыцкае. Спачатку мясцовыя жыхары падазравалі, што ў бядзе вінаваты бабёр — маўляў, ён мог пракапаць нару ў дамбе, як гэта ўжо было летась. Але эколагі праверылі гэтую версію і слядоў бабра не знайшлі, паведамляе АНТ.
Тое, што засталося ад возера Кастрыцкага
Высветлілася, што прычына іншая: пасля моцных залеў 19 ліпеня ўзровень вады зменшыўся прыкладна на паўметра, пачаўся размыў берагоў. 23 ліпеня дамба не вытрымала і яе прарвала. Рыбаловы спрабавалі ўратаваць возера, але безвынікова.
Цяпер вадаём амаль ператварыўся ў балота — рыба загінула, птушкі пакінулі гэты край. Адрадзіць возера можна, калі засыпаць пралом і ўмацаваць дамбу з дапамогай спецтэхнікі.
Каментары
Правільна "вадасховішча", часам "сажалка".