«Знайшлі толькі адзін пачак — выпадкова». З продажу знікла папулярная дзіцячая гіпаалергенная сумесь
Карыстальніца Threads паскардзілася, што ў крамах Гомеля немагчыма знайсці дзіцячую сумесь «Беллакт Гіпаалергенны Active 1», прызначаную для кармлення дзяцей да 6 месяцаў з рызыкай развіцця алергіі. Пазней высветлілася, што тая ж сітуацыя — у Гродне, піша Hrodna.life.
«Аб'ехала ўвесь Гомель — нідзе няма патрэбнай сумесі», — напісала маладая мама.
«Мы таксама паўтары гадзіны ездзілі па Гродне, знайшлі толькі адзін пачак — выпадкова, на іншым канцы горада», — дадала іншая карыстальніца.
Дзяўчына патэлефанавала на завод «Беллакт». Там ёй расказалі, што на прадпрыемстве сумесі няма. Яе зноў пачнуць вырабляць з 13 жніўня. У крамах прадукт павінен з’явіцца праз некалькі дзён пасля запуску лініі.
«Я ў шоку, апошнія 10 пачкаў забрала ў «Дзіцячым свеце», і цяпер зноў няма. Хутчэй за ўсё, на складзе ў крамах рэшткі будуць, пытанне толькі — калі гэта з’явіцца на прылаўку. Спадзяюся, хоць новую партыю паспеюць запусціць», — напісала ў галінцы абмеркавання аўтарка паста.
Тым часам, па словах каментатараў, іншыя бацькі таксама шукаюць сумесь у чатах і просяць дапамогі ў знаёмых.
У Мінску, па паведамленнях карыстальнікаў, «Беллакт Гіпаалергенны Active 1» яшчэ можна было знайсці. Некаторыя прапаноўвалі дзяўчыне купіць у сталіцы сумесь і перадаць ёй у абласны цэнтр.
На сайце вытворцы гэтай сумесі для дзяцей да 6 месяцаў няма ў продажы. У наяўнасці — толькі гіпаалергенныя прадукты для дзяцей ад 6 месяцаў і ад года.
Дарэчы, на самім прадпрыемстве раяць пераходзіць на іншую сумесь паступова, каб даць час страўнікава-кішэчнаму тракту дзіцяці прывыкнуць да новага харчавання. Пры гэтым можа быць сітуацыя, калі новае харчаванне не падыходзіць дзіцяці і ў яго могуць быць ваніты, дыярэя, болі ў жываце, млявасць, высыпка, раздражненне скуры, а таксама страта вагі або праблемы з наборам яе.
У такім выпадку спецыялісты раяць звяртацца да лекара, таму што, хутчэй за ўсё, новы прадукт не падыходзіць і трэба падбіраць новую сумесь.
Колькі каштуе хатняя аптэчка ў Беларусі, Літве і Польшчы? Параўналі цэны
Дабаўкі з калагенам сталі папулярныя ў жанчын. Але ці працуюць яны? Вось што паказваюць даследаванні
Навукоўцы распрацавалі вакцыну ад алергіі на катоў
У Беларусі апошні чырвоны ўзровень небяспекі з-за пылку. Гэта вельмі моцны алерген
Прымаць душ лепш увечары, а не зранку — вось чаму
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары