У Мінску збіраюцца знесці цяплічны камбінат і двухпавярховыя дамы на Парніковай. Што плануецца ўзамен?
У Мінску ў раёне вуліц Макаёнка і Парніковай плануецца маштабная рэканструкцыя. Гаворка ідзе пра тэрыторыю плошчай 161 гектар у Першамайскім раёне, дзе зараз шмат прамысловых будынкаў і састарэлага жылля. Улады хочуць пераўтварыць гэты раён у сучасны жыллёвы і грамадскі квартал, піша Realt.by.
Тэрыторыя, пра якую ідзе гаворка, мяжуе з праспектам Незалежнасці, вуліцай Філімонава, Сляпянскай воднай сістэмай, вуліцай Макаёнка, дзіцячай чыгункай і паркам Чалюскінцаў.
Паводле праекта першымі пад знос пойдуць вытворчыя аб’екты, у тым ліку Мінскі цяплічны камбінат. На яго месцы плануецца пабудаваць шматпавярховыя дамы, школу і дзіцячы сад.
Таксама будзе забудаваная тэрыторыя, дзе раней размяшчаліся прадпрыемствы «Беларусьфільма» і Міністэрства культуры — там з’явяцца 16-павярховыя дамы і школа на 700 вучняў. Для зручнасці жыхароў будуць пабудаваныя паркінгі з убудаванымі памяшканнямі.
Аднак праект закране і некаторыя жылыя дамы — два двухпавярховыя дамы 1950-х гадоў на вуліцы Парніковай плануюць знесці. Жыхарам гэтых дамоў давядзецца пераязджаць.
У той жа час гістарычныя будынкі — кінастудыя «Беларусьфільм», абсерваторыя і вакзал станцыі «Заслонава» — застануцца некранутымі.
Увесь праект плануецца рэалізаваць у два этапы да 2030 года. На першым этапе збіраюцца пабудаваць 240 тысяч квадратных метраў жылля, знесці 800 квадратных метраў старога, абнавіць вуліцы Макаёнка і Парніковую, а таксама пракласці новую вуліцу.
Грамадскае абмеркаванне праекта пройдзе з 8 па 22 жніўня. Прапановы і заўвагі можна падаваць у адміністрацыю Першамайскага раёна, у тым ліку па электроннай пошце. Падсумаванне будзе зроблена пасля разгляду ўсіх заўваг на паседжанні архітэктурна-градбудаўнічай рады.
Жыхары прыватнага дома ў Мінску незадаволеныя будаўніцтвам ЖК «Утульны». «Мінскбуд» пракаментаваў
Найлепшы сярод падобных. Дзе можна знайсці копіі Мінскага планетарыя
У элітным квартале ў цэнтры Мінска прапанавалі яшчэ партыю кватэр. Цана квадрата ўражвае
«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск
Пад Мінскам скончылі будаўніцтва смеццяперапрацоўчага завода
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам
Каментары