Сайт «Люстэрка» атакуюць другі дзень з-за артыкула, што Офіс Ціханоўскай прапанаваў круглы стол з Лукашэнкам
Зламыснікі адпраўляюць з Інданезіі мільёны запытаў на сайт, тым самым перагружаючы серверы. У выніку — старонкі «Люстэрка» адкрываюцца вельмі павольна або не адкрываюцца ўвогуле, паведамляе партал.
Фота: Getty Images
Атака ідзе на канкрэтны матэрыял, апублікаваны ўчора, — «Офіс Ціханоўскай прапанаваў ЗША правесці круглы стол з рэжымам Лукашэнкам».
У ім Дзяніс Кучынскі, дыпламатычны дарадца лідаркі беларускіх дэмакратычных сіл, распавёў пра сваю нядаўнюю паездку ў Вашынгтон і сустрэчу з высокапастаўленым амерыканскім чыноўнікам. Акрамя іншага, яны абмяркоўвалі пасрэдніцтва ЗША ў перамоўным працэсе паміж беларускім рэжымам і апазіцыяй.
Каментары