На Камсамольскім возеры ў Мінску канцэнтрацыя нафтапрадуктаў большая за дапушчальную ў 4,2 раза
На Камсамольскім возеры ў Мінску зафіксавалі значнае забруджванне нафтапрадуктамі — перавышэнне дапушчальнай канцэнтрацыі ў 4,2 раза. Пра гэта паведаміў Рэспубліканскі цэнтр аналітычнага кантролю пасля правядзення аналізаў вады ў трох пунктах: у месцы разліву і па плыні вышэй і ніжэй. Забруджванне выявілі толькі ў эпіцэнтры.
Інцыдэнт адбыўся 29 ліпеня — на паверхні возера з'явілася нафтавая пляма. Для яе лакалізацыі выкарысталі спецыяльныя загароджвальныя боны.
Вечарам пачаліся работы па адпампоўванні вады і зборы нафтапрадуктаў, якія цяпер знаходзяцца ў герметычных ёмістасцях пад аховай. Пасля ўсе адкіды будуць перададзеныя на ўтылізацыю.
Папярэдне мяркуецца, што прычына аварыі — карозія металу і разгерметызацыя двух адсекаў пантоннай прыстані на рацэ Свіслач, недалёка ад станцыі Таварыства выратавання на водах у Цэнтральным раёне Мінска. Распачата высвятленне ўсіх абставін здарэння.
Дзмітрый Лукашэнка хоча паставіць пад кантроль усе мабільныя тэлефоны11
Каментары
[Зрэдагавана]
Такая спаруда не прызначана для захаваньня нафтапрадуктаў і, адпаведна, не сертыфікавана дзеля гэтага (100%), не адпавядае патрабаваньням прад'яўляемым да аб'ектаў для захаваньня нафтапрадуктаў, хаця б ужо таму, што ня мае ніякіх неабходных сістэмаў бясьпекі. Лухта дзеля адмазкі.