У Фінляндыі затрымалі былога найміта расійскай прыватнай вайсковай кампаніі «Вагнер», які раней удзельнічаў у баях за Бахмут, а цяпер папрасіў палітычнага прытулку. Паводле інфармацыі фінскага выдання Yle, мужчына незаконна перасёк мяжу 17 чэрвеня ў лясной мясцовасці Вяліваара, дзе няма плоту. Яго заўважылі дзякуючы таму, што спрацавалі сенсары. Цяпер ён знаходзіцца ў цэнтры часовага ўтрымання, піша The Moscow Times.
Па даных СМІ, гаворка ідзе пра 33-гадовага Жаслана Мустаханава, вядомага пад пазыўным «Канелла» і імем Яўгеній Шпартун. Сам ён расказваў, што завербаваўся на вайну ў 2022 годзе і ўдзельнічаў у штурме Бахмута ў складзе ПВК «Вагнер». У лістападзе 2023-га яго затрымалі ў Омску за рабаванне і прысудзілі да шасці гадоў калоніі строгага рэжыму. Адтуль Мустаханов зноў трапіў на вайну — ужо па кантракце з Мінабароны.
З лютага 2025 года ён пачаў публічна крытыкаваць расійскіх камандзіраў, заяўляючы, што тых, хто загінуў на фронце, запісваюць як «дэзерціраў», каб не выплачваць грошы сем’ям. У чэрвеньскім відэа ён абвінаваціў афіцэраў Мінабароны РФ у тым, што яны «прадалі салдат» і «кідаюць іх у бой, як на мяса».
Пакуль што фінскія ўлады не падазраюць Мустаханава ў ваенных злачынствах, але Цэнтральная крымінальная паліцыя праводзіць папярэднюю праверку.
Гэта ўжо не першы выпадак, калі былы «вагнеравец» уцякае ў краіну НАТА. У студзені 2023-га Андрэй Медзведзеў з Томскай вобласці быў затрыманы ў Нарвегіі і расказаў пра пакаранні і забойствы ўнутры «Вагнера».
Былы камандзір «Вагнера», які ўцёк у Нарвегію, спрабаваў уцячы назад у Расію
«Заб'юць — ок, не заб'юць — вялікі дзякуй». Былы «вагнеравец» Мядзведзеў заявіў, што хоча вярнуцца з Нарвегіі ў Расію
Вагнераўца, які ўцёк у Нарвегію і папрасіў там прытулку, арыштавалі за напад на паліцэйскіх
Нарвежскі суд вынес прысуд былому вагнераўцу Мядзведзеву
Былы вагнеравец папрасіў прабачэння ва ўкраінцаў
Каментары