Вагнераўца, які ўцёк у Нарвегію і папрасіў там прытулку, арыштавалі за напад на паліцэйскіх
Былы камандзір ПВК «Вагнер» Андрэй Мядзведзеў, які папрасіў прытулку ў Нарвегіі, быў арыштаваны за бойку каля бара ў цэнтры Осла і гвалт у дачыненні да паліцэйскіх пры затрыманні. Пра гэта гаворыцца ў судовай пастанове, якую здабыла «Новая газета Еўропа».
22 лютага, каля 3:20 ночы, Мядзведзеў удзельнічаў у бойцы непадалёк ад аднаго з бараў у цэнтры Осла, пасля чаго супраціўляўся затрыманню і нанёс удары паліцэйскім, сказана ў дакуменце.
У сярэдзіне студзеня Мядзведзеў перасёк мяжу з Нарвегіяй, дзе папрасіў прытулку.
У снежні Мядзведзеў у інтэрв'ю The Insider расказваў, што яму вядома пра дзесяць выпадкаў, калі вагнераўцы пакаралі смерцю сваіх наймітаў, якія адмовіліся ўдзельнічаць у баявых дзеяннях. Паводле яго, на некалькіх расстрэлах ён прысутнічаў асабіста. Былы зняволены, а пасля «вагнеравец» Яўген Нужын, якога забілі кувалдай, зняўшы гэта на відэа, таксама служыў у падраздзяленні Мядзведзева.
Пасля з'яўлення Мядзведзева ў Нарвегіі спачатку яго хацелі дэпартаваць, але пасля вырашылі гэта не рабіць.
Чытайце таксама:
Былы вагнеравец папрасіў прабачэння ва ўкраінцаў
Паліцыя Нарвегіі не будзе дэпартаваць у Расію былога вагнераўца Мядзведзева
Былога «вагнераўца», які прасіў прытулку ў Нарвегіі, хочуць дэпартаваць
Былы камандзір ПВК «Вагнер» уцёк з Расіі і просіць палітычны прытулак у Нарвегіі
У Мінску адбыліся масавыя затрыманні выдаўцоў і кнігараспаўсюднікаў32
Каментары