У Літву з тэрыторыі Беларусі заляцеў нейкі апарат. Спачатку падумалі — шахед
Паводле першапачатковай інфармацыі BNS, у чацвер у Літву з тэрыторыі Беларусі заляцеў дрон-шахед.
У сувязі з інцыдэнтам старшыня Сейма Саўлюс Сквярняліс быў адведзены ў сховішча.
Аднак памежнікі ўдакладнілі, што гэта было нешта «падобнае да самаробнага самалёціка, лятальнага сродку», паведаміла LRT.
Каля 11:30 памежнікі заставы Кяна ў Віленскім раёне зафіксавалі, паводле папярэдніх даных, лятальны аб’ект, які заляцеў з тэрыторыі Беларусі і ўпаў на зямлю. Аб’ект быў падобны да самаробнага самалёціка.
Самалёцік упаў недалёка ад закрытага кантрольна-прапускнога пункта Шумск, прыкладна за кіламетр ад мяжы з Беларуссю.
Паводле папярэдняй інфармацыі, ён зроблены з фанеры і пенапласту.
Няма даных, што гэты лятальны аб’ект перавозіў нейкі груз. Аб’ект не ўяўляе небяспекі. Апошнім часам VSAT нярэдка фіксуе выпадкі, калі з тэрыторыі Беларусі ў Літву спрабуюць перавозіць кантрабандныя цыгарэты з дапамогай дронаў, паветраных шароў, а таксама самаробных лятальных сродкаў.
Лукашэнка знайшоў незвычайныя словы для спачування Хаменеі: «вераломная атака»27
Каментары