На гэтыя выхадныя ўпершыню за доўгі час у Беларусі будуць паляваць на мядзведзя
У Беларусі прайшоў першы розыгрыш права на паляванне на мядзведзя. Як паведамілі ў Беларускім таварыстве паляўнічых і рыбаловаў, у розыгрышы прынялі ўдзел 140 чалавек, але пераможцамі сталі толькі сем. Іх адабралі з дапамогай спецыяльнай камп’ютарнай праграмы.
Цяпер з кожным з пераможцаў звяжацца прадстаўнік арганізацыі, каб узгадніць дакладны час і месца палявання. Першае паляванне на мядзведзя запланавана ўжо на гэтыя выхадныя.
Паводле правілаў, калі паляўнічы здабудзе мядзведзя, ён больш не можа ўдзельнічаць у паляванні на гэтую жывёліну ў бягучым сезоне. Калі ж здабыча не атрымалася — чалавек мае права зноў падавацца на наступныя розыгрышы.
Сезон палявання на мядзведзя ў Беларусі доўжыцца з 1 ліпеня па 31 снежня. Паляванне можа адбывацца як днём, так і ноччу — з засады або з падыходу, але абавязкова пад кіраўніцтвам інструктара.
У лесе паміж Івянцом і Ракавам турысты сустрэлі рысь з рысянятамі ВІДЭА
Еўрапейская краіна, дзе мядзведзі свабодна блукаюць і якая зрабіла на іх турбізнэс
У сямі беларускіх лясгасах дазволілі паляванне на мядзведзя
Італьянскі матацыкліст зрабіў сэлфі з медзведзянём. Пасля гэтага яго насмерць разарваў дарослы мядзведзь
Польшча прызнала Аляксандра Машэнскага непажаданай асобай27
Каментары