На мінскага пенсіянера завялі крыміналку за стральбу з пнеўматыкі па жывёліне
На 63-гадовага мінчука завялі крымінальную справу за жорсткае абыходжанне з жывёлінай — ён стрэліў у ката з пнеўматычнай вінтоўкі.
Як паведаміла сталічная міліцыя, парушэнне выявілі падчас маніторынгу інтэрнэту: у сеціве з’явілася відэа, дзе мужчына прызнаецца, што страляў у бяздомнага ката з акна сваёй кватэры.
Інцыдэнт адбыўся ў Заводскім раёне Мінска. Мужчына патлумачыў, што нядаўна набыў пнеўматычную вінтоўку і «выпрабоўваў яе». На відэа, якое апублікавала міліцыя, ён гаворыць: «У ката стрэльнуў, у бадзяжнага. Са сваёй кватэры, з акна».
Супраць яго распачалі крымінальную справу па артыкуле аб жорсткім абыходжанні з жывёламі.
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары