Стала вядома, што можа ўвайсці ў 18-ы еўрапейскі пакет санкцый супраць Расіі
Еўрапейскі саюз рыхтуе новы, ужо 18-ы пакет санкцый супраць Расіі. Агенцтва Bloomberg праз свае крыніцы даведалася, што ў яго можа ўвайсці.
Паводле звестак журналістаў, ЕС разглядае магчымасць адключыць больш за 20 расійскіх банкаў ад сістэмы SWIFT, панізіць цэнавы ліміт на расійскую нафту да каля $45 за барэль (цяпер — $60), а таксама забараніць газаправоды «Паўночны паток», каб яшчэ мацней абмежаваць эканамічныя магчымасці Расіі.
Таксама плануецца ўвядзенне новых фінансавых і гандлёвых абмежаванняў на суму каля 2,5 мільярда еўра. Мэта — зменшыць даходы Расіі і перашкодзіць ёй атрымліваць тэхналогіі, неабходныя для вытворчасці зброі.
Акрамя гэтага, у санкцыйны пакет могуць увайсці меры супраць так званага «ценявога флоту» расійскіх танкераў і банкаў, што падтрымліваюць вайну, а таксама супраць Расійскага фонду прамых інвестыцый.
ЕС таксама хоча абараніць еўрапейскія кампаніі ад магчымых судовых пазоваў у рамках двухбаковых інвестыцыйных дамоваў.
Як піша агенцтва, ключавым момантам у новым пакеце з'яўляецца намер ЕС увесці санкцыі супраць газаправодаў «Паўночны паток». Санкцыі дадаткова пацвердзяць пазіцыю Еўропы аб нежаданні аднаўлення паставак расійскага трубаправоднага газу.
Канчатковае рашэнне будзе прынята пасля кансультацый з краінамі-членамі ЕС.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў4
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары