У перакладзе на дацкую мову выйшла кніга Максіма Знака «Зэкамерон». Аўтарка перакладу на дацкую — Lotte Jansen. Да гэтага кніга выйшла на беларускай, рускай, англійскай, шведскай, нямецкай мовах, піша Беларускі ПЭН.
Максім Знак — адвакат, паэт, бард, палітзняволены, ганаровы сябра Дацкага ПЭНа. У турме ён напісаў кнігу «Зэкамерон» — сто гісторый пра турэмнае жыццё, якія адлюстроўваюць супраціў, спагаду і стойкасць ў складаных абставінах.
Англійскі пераклад «Зэкамерона», зроблены Элай і Джымам Дынглі, атрымаў прэмію Англійскага ПЭНа (English PEN, 2023) і ўвайшоў у кароткі спіс прэміі «Рэспубліка Свядомасці» (The Republic of Consciousness Prize, 2024).
Максім Знак увайшоў у кароткі спіс штогадовай Прэміі «Парушэнне спакою» адважнаму пісьменніку ў небяспецы, якую арганізуе Цэнтр Вацлава Гавэла (2024).
Тэксты Максіма Знака таксама былі ўганараваныя прэміяй імя Францішка Аляхновіча — за творы, напісаныя ў зняволенні (2021).
Набыць кнігу «Зэкамерон» па-дацку можна па спасылцы.
-
Андрэй Федарэнка напісаў эсэ пра Янку Брыля, але яно больш чым проста пра Брыля ці літаратуру
-
Выдавецтва Gutenberg анансуе ірландскую навінку для дзяцей
-
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць26
Каментары