Эканоміка99

Падлічылі, колькі можна было б зарабіць, калі паклалі б беларускія рублі на дэпазіт год таму

Працэнты на валютных укладах цяпер мізэрныя, а ці шмат прыносяць рублёвыя?

Ілюстрацыйны здымак. Фота: «Наша Ніва»

Колькі рублёў набяжыць за год?

Найбольш выгадныя безадзыўныя дэпазіты тэрмінам ад аднаго года — калі гаворка ідзе пра беларускія рублі, — і тэрмінам ад двух гадоў, калі ўклад валютны. Даход ад гэтых дэпазітаў не абкладаецца падаходным падаткам (у выпадку з безадзыўнымі ўкладамі да года банк аўтаматычна вылічвае падатак).

Разгледзім мінімальны з выгадных тэрмінаў — 13 месяцаў. То-бок цяпер забіраць грошы могуць тыя, хто паклаў іх на дэпазіт у красавіку 2024 года.

Летась банкі прымалі беларускія рублі пад 14,1—15,9% на тэрмін 13 месяцаў. Цяпер працэнтныя стаўкі прыкладна такія ж, таму для разліку выкарыстаем актуальныя даныя калькулятараў.

Скрыншот: belarusbank.by

Напрыклад, калі вы паклалі 10 000 рублёў у красавіку 2024 года пад 14,4%, то праз 13 месяцаў вы атрымаеце 11 562 рублі.

Калі ўклад з капіталізацыяй працэнтаў, сума будзе вышэйшая. Пакажам гэта на прыкладзе калькуляцыі ад Парытэтбанка.

Скрыншот: paritetbank.by

Паклаўшы 10 000 рублёў на 13 месяцаў пад 15,6% гадавых з капіталізацыяй, праз год і адзін месяц вы атрымаеце 11 813 рублёў. Сума вырасце на 18% —выгада відавочная нават з улікам інфляцыі. 

Пераводзім у валюту

Як гэтая выгада выглядае з улікам курсавых ваганняў?

Напрыклад, на 24 красавіка 2024 года курс Нацбанка складаў 3,25 рубля за даляр. Атрымліваецца, што 13 месяцаў таму 10 000 рублёў раўняліся $3077.

Цяпер жа, паводле курсу Нацбанка, даляр каштуе 3,01 рубля. Атрымліваецца, што 10 000 рублёў цяпер эквівалентныя $3322. 

Такім чынам, 10 тысяч беларускіх рублёў, якія 13 месяцаў таму раўняліся 3077 далярам, на безадзыўным дэпазіце ператварыліся ў суму, эквівалентную 3841—3944 далярам.

А што, калі б вы паклалі грошы на дэпазіт у валюце?

Апошнія гады беларускія банкі зніжаюць працэнтныя стаўкі па валютных укладах, таму прыбытковасць па іх знаходзіцца ў межах статыстычнай хібнасці.

Беларусбанк прапануе 0,01% па ўкладах у далярах ЗША. Скрыншот: belarusbank.by

Беларусбанк, напрыклад, прапануе 0,01% па ўкладах у далярах. Паклаўшы на трохгадовы безадзыўны дэпазіт 10 тысяч даляраў, вы атрымаеце зверху ўсяго тры даляры. Праз гэта класці грошы ў далярах або еўра на дэпазіт стала бессэнсоўна.

Самае складанае — угадаць, што будзе з беларускім рублёў у наступны год. Тым, хто паверыў у нацыянальную валюту ў 2024-м, пашанцавала. Што будзе далей, гарантыі не дасць ніводзін прагназіст.

Каментары9

  • Беларус
    27.05.2025
    Дзіўная парада ад, падавалася б, беларускага выданьня. Нават, калі адсоткі па ўкладах былі б значна вышэйшыя, а прыбытак гарантаваны - гэта не нагода несьці грошы ў лукашэнкаўскія банкі ды падмацоўваць варожую эканоміку хунту. Для зрынаньня дыктатуры патрэбна наадварот - адымаць у яе грашовыя рэсурсы. Але куды там. Чаго чакаць ад людзей, у якіх у галаве толькі "11-і гадзінны сэкс"?
  • Калькулятар
    27.05.2025
    Пераводзім у бульбу.

    Паклаўшы 10 000 рублёў (9090кг бульбы па 1.1руб.)
    на 13 месяцаў пад 15,6% гадавых з капіталізацыяй
    праз год і адзін месяц вы атрымаеце 11 813 рублёў (3 375 кг бульбы па 3.5руб.)
  • .
    27.05.2025
    Калі сапраўды ўкладаць у бульбу, то зараз гэта было б 31815 руб. (9090кг бульбы па 3.5руб.).
    318%. З капіталізацыяй у выглядзе праросткаў.

Цяпер чытаюць

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Усе навіны →
Усе навіны

Якія сімптомы паказваюць на рак кішачніка і што правакуе яго развіццё? Тлумачыць анколаг15

Затрыманні ў 2020-м, арышт у 2024-м, эміграцыя ў 2025-м. Гісторыя 21-гадовага беларускага «тэрарыста»2

З птушкафабрыкі пад Гроднам прапала 400 яек качкі. Прычым яйкаманы нават сачылі, як вылупліваюцца качаняты2

Украіна паведаміла пра гібель у Расіі больш за 200 ваеннапалонных2

У справе «Трайпла» з'явіўся новы паварот

Як беларуская кампанія пастаўляе ў Расію брэндавае адзенне ў абыход санкцый і ў шкоду дзяржбюджэту5

«Шчаслівы з маімі новымі сябрамі». На шклозаводзе «Нёман» у Бярозаўцы ўжо некалькі гадоў працуе егіпцянін14

Расіяніна затрымалі ў мінскім аэрапорце за спробу вывезці скрадзеную пяць гадоў таму дачку

Мінчанка паставіла дома камеры, каб назіраць за старэнькай маці, і раскрыла злачынства3

больш чытаных навін
больш лайканых навін

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Галоўнае
Усе навіны →

Заўвага:

 

 

 

 

Закрыць Паведаміць