У маладых жанчын з ЗША ўпершыню зафіксавалі больш запояў, чым у мужчын
З 2021 па 2023 год узровень спарадычнага ўжывання алкаголю (binge drinking) сярод маладых жанчын у ЗША ўпершыню перавысіў паказчыкі сярод мужчын таго ж узросту. Пра гэта гаворыцца ў даследаванні, апублікаваным у часопісе Journal of the American Medical Association, піша life.pravda.com.ua.
Даследчыкі прааналізавалі даныя 267 843 дарослых, якія ўдзельнічалі ў Нацыянальным апытанні па ўжыванні наркотыкаў і здароўі (National Survey on Drug Use and Health) за два перыяды: 2017-2019 і 2021-2023 гады.
Навукоўцы з Пітсбургскага ўніверсітэта хацелі вывучыць, як змяніліся гендарныя адрозненні ў частаце празмернага і рэгулярнага ўжывання алкаголю.
У 2017-2019 гадах паказчык эпізадычнага ўжывання алкаголю на працягу месяца быў значна ніжэйшы ў жанчын, чым у мужчын: 22,6 супраць 29,2 выпадку на 100 чалавек. Сярод моладзі ва ўзросце 18-25 гадоў гэтыя лічбы складалі 36,4 у жанчын супраць 37,7 у мужчын.
Аднак у 2021-2023 гадах карціна змянілася.
Хоць у цэлым жанчыны працягвалі ўжываць менш алкаголю, чым мужчыны (21,8 супраць 25,7 на 100 чалавек), сярод жанчын ва ўзросце 18-25 гадоў зафіксавалі больш высокі ўзровень эпізадычнага п'янства, чым сярод мужчын — 31,6 супраць 29,9 на 100 чалавек.
Нягледзячы на рост binge drinking сярод маладых жанчын, паказчык цяжкага рэгулярнага ўжывання алкаголю (heavy drinking) застаецца ніжэйшым у жанчын ва ўсіх узроставых групах. У 2021-2023 гадах ён складаў 5,0 на 100 чалавек у жанчын і 7,8 у мужчын.
«Улічваючы рост выпадкаў алкагольнай хваробы печані і смяротнасці сярод жанчын у параўнанні з мужчынамі, дактары павінны старанна праводзіць скрынінг на празмернае ўжыванне алкаголю сярод маладых жанчын, каб паменшыць рызыкі для здароўя ў будучыні», — адзначаюць аўтары даследавання.
Варта адзначыць, што binge drinking — гэта не штодзённае п'янства, а перыядычнае празмернае ўжыванне спіртнога. У ЗША «запоем» лічаць спажыванне такой колькасці алкаголю, якое павышае канцэнтрацыю алкаголю ў крыві да 0,08% і вышэй (5+ стандартных напояў для мужчын ці 4+ стандартных напояў для жанчын).
«Проста ў страўнік мышы заліваем дозу алкаголю». Навуковец — нясумна пра азэмпік, тлушч, алкаголь і змену генаў
Трамп паабяцаў увесці мыты ў 200% на еўрапейскі алкаголь
Эфект дня нараджэння. Чаму верагоднасць памерці ў гэты дзень вышэйшая, чым у любы іншы
Продажы шампанскага ў свеце падаюць. Прычына — змена звычак і палітычная нестабільнасць
Вытворцы алкаголю панікуюць: моладзь да 25 гадоў амаль не п’е, прычым ва ўсіх краінах
«Алкаголь будуць піць нешматлікія дэгенераты, дый тое ўпотай». Што пісалі пра 2025 год сто гадоў таму?
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары