«Для Германіі гэта эканамічная катастрофа». Нямецкія эканамісты падлічылі кошт гандлёвай вайны з Трампам на чатыры гады
Паводле разлікаў Інстытута нямецкай эканомікі ў Кёльне, планы Дональда Трампа па ўвядзенні пошлін могуць абысціся Германіі ў 200 мільярдаў еўра. Такія страты краіна можа панесці за чатыры гады, калі мыты застануцца ў сіле, піша Bild.
«Для Германіі мыта ў 20 % — гэта эканамічная катастрофа», — сцвярджаюць аўтары даследавання Юрген Матэс і Саміна Султан. Паводле іх падлікаў, да 2028 года ВУП Германіі аказваецца на 1,5 % ніжэйшым, чым быў бы без гэтых абмежаванняў.
Аднак наступствы адчуе не толькі ФРГ. Агульная шкода для Еўрапейскага саюза можа скласці каля 750 мільярдаў еўра. Прычына — скарачэнне экспарту і ўдар па ключавых галінах, у першую чаргу аўтамабільнай прамысловасці.
Даследчыкі лічаць, што ЕС больш не павінен спадзявацца на ўгаворы.
«Да гэтага часу ў ЕС спрабавалі схіліць Трампа з дапамогай прапаноў — напрыклад, па пастаўках звадкаванага газу або ўзбраенняў. Цяпер прыйшоў час паказаць, што Еўракамісія таксама мае рычагі ціску», — гаворыцца ў даследаванні.
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу25
Каментары