Камітэт Сейма Літвы падтрымаў ідэю анулявання ДНЖ для беларусаў, што ездзяць на радзіму
У чацвер члены Камітэта па нацыянальнай абароне аднагалосна падтрымалі прапанову кансерватараў Лаўрынаса Кашчунаса, Аўдронюса Ажубаліса і Валдаса Ракуціса аб тым, што выдачу дазволаў на жыхарства ў Літве грамадзянам Беларусі, як і расіянам, варта прыпыніць, калі ў іх няма дзейнай візы, піша LRT.
На думку Камітэта, Дзейныя дазволы на жыхарства павінны быць ануляваныя, калі грамадзяне Расіі і Беларусі здзейснілі паездкі ў Расію або Беларусь больш аднаго разу цягам трох каляндарных месяцаў.
На думку кансерватараў, у Беларусі гэтыя людзі могуць быць завербаваныя спецслужбамі, ім можа быць даручана выкананне пэўных разведвальных функцый.
Выключэнне будзе прымяняцца да перавозчыкаў і кіроўцаў грузавікоў, што едуць транзітам праз згаданыя краіны, або калі паездка мела аб’ектыўныя прычыны, незалежныя ад грамадзяніна.
На пасяджэнні камітэта ў чацвер гэтыя прапановы былі падтрыманыя прадстаўнікамі прэзідэнцкай адміністрацыі і Дэпартамента дзяржаўнай бяспекі, але падвергліся крытыцы з боку бізн'с-арганізацый.
«Як мы ўжо не раз казалі, мы задыхаемся ад праверак. (…) Каб дзяржаўная бяспека забяспечвалася якасна, гэтыя прапановы варта прыняць», — сказаў супрацоўнік ДДБ на ўмовах ананімнасці.
Дарадца прэзідэнта Літвы Марыюс Чэснулявічус пацвердзіў, што Гітанас Наўседа і далей прытрымліваецца пазіцыі, што да грамадзян Расіі і Беларусі павінны прымяняцца аднолькавыя абмежавальныя меры.
«Мы не бачым розніцы паміж крэмлёўскім і мінскім рэжымамі», — адзначыў ён.
Генеральны дырэктар Міжнароднага транспартна-лагістычнага альянсу Повілас Дрыжас сцвярджае, што ў транспартных кампаніях Літвы працуюць каля 36 тыс. беларусаў, і пасля ўвядзення санкцый іх колькасць пачала змяншацца.
Цяпер чытаюць
У Александрыі Лукашэнка пасадзіў да сябе 23‑гадовую прыгажуню25
Каментары