Мінінфарм унёс у спіс забароненай літаратуры кнігу, якая ўвайшла ў топ-100 найлепшых твораў XXI стагоддзя
Мінінфарм папоўніў спіс забароненых кніг, якія, на яго думку, здольны нанесці шкоду нацыянальным інтарэсам Рэспублікі Беларусь. Цяпер у спіс увайшла кніга, якую крытыкі лічаць каштоўным набыццём у мастацкай літаратуры.
У спіс забароненай літаратуры трапіла кніга «Воблачны атлас» (англ. Cloud Atlas ) — раман 2004 года брытанскага пісьменніка Дэвіда Мітчэла. Ён складаецца з шасці гісторый, дзеянне ў якіх адбываецца з сярэдзіны XIX стагоддзя да далёкай постапакаліптычнай будучыні.
Раман увайшоў у топ-100 найлепшых кніг XXI стагоддзі па версіі газеты The Guardian.
Таксама ў «забаронены» спіс дадалі кнігу журналісткі і жонкі міністра замежных спраў Польшчы Радаслава Сікорскага Эн Эплбаум. Гэта «Жалезная заслона. Падаўленне Усходняй Еўропы (1946-1956)».
У спіс таксама трапілі адразу тры раманы папулярнага шведскага пісьменніка Фрэдрыка Бакмана — «Мядзведжы кут», «Мы супраць вас» і Пасля буры».
Цяпер у спісе забароненай літаратуры 92 кнігі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары