Дэмакратычная лідарка Беларусі распаўсюдзіла зварот з нагоды Дня Канстытуцыі, які адзначаецца сёння.
«Сёння ў Беларусі адзначаецца Дзень Канстытуцыі. Гэта дзень, калі варта ўспомніць пра свабоду, бяспеку і справядлівасць, якія павінен забяспечваць гэты прававы акт. Сутнасць Канстытуцыі — абараняць грамадзянаў ад паліцэйскага свавольства, гарантаваць змяняльнасць улады і свабоду слова. Аднак рэжым гадамі ператвараў асноўны закон у зручны інструмент — перапісваў, ігнараваў і выкарыстоўваў супраць народа», — зазначыла Святлана Ціханоўская.
Па яе словах, Канстытуцыя Беларусі поўная супярэчнасцяў. У ёй замацаванае права на жыццё, але краіна застаецца апошняй у Еўропе, дзе дзейнічае смяротнае пакаранне, у ёй сказана, што ўсе роўныя перад законам, але прэзідэнт мае імунітэт ад крымінальнага пераследу.
«Яна абяцае свабоду меркаванняў, але ўлады кідаюць пенсіянераў у вязніцы за каментарыі ў інтэрнэце. Пералік паўнамоцтваў, якімі валодае прэзідэнт нашай краіны, выключае баланс улады і вяршэнства дэмакратыі. Парламент, Канстытуцыйны суд, рэферэндумы — усё так ці інакш падпарадкаванае адной асобе. Канстытуцыя павінна быць гарантам правоў грамадзянаў, павінна служыць народу, а замест гэтага служыць чалавеку пры ўладзе», — дадала Святлана Ціханоўская.
На яе думку, сённяшні дзень стане сапраўдным святам, калі законы будуць абараняць грамадзянаў, а не выкарыстоўвацца для рэпрэсіяў.
«Калі ў краіне з'явіцца незалежны суд, сумленныя выбары і роўныя правы для ўсіх. Калі Беларусь стане свабоднай і дэмакратычнай краінай. І мы набліжаем гэты дзень кожным сумесным намаганнем. Беззаконне не можа працягвацца бясконца — яму на змену прыходзяць павага да правоў людзей і справядлівасць. Разам мы пабудуем краіну, дзе канстытуцыя паважаецца, шануецца і выконваецца», — зазначыла Святлана Ціханоўская.
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары