Cichanoŭskaja: Siońniašni dzień kaliści stanie sapraŭdnym śviatam
Demakratyčnaja lidarka Biełarusi raspaŭsiudziła zvarot z nahody Dnia Kanstytucyi, jaki adznačajecca siońnia.
«Siońnia ŭ Biełarusi adznačajecca Dzień Kanstytucyi. Heta dzień, kali varta ŭspomnić pra svabodu, biaśpieku i spraviadlivaść, jakija pavinien zabiaśpiečvać hety pravavy akt. Sutnaść Kanstytucyi — abaraniać hramadzianaŭ ad palicejskaha svavolstva, harantavać źmianialnaść ułady i svabodu słova. Adnak režym hadami pieratvaraŭ asnoŭny zakon u zručny instrumient — pierapisvaŭ, ihnaravaŭ i vykarystoŭvaŭ suprać naroda», — zaznačyła Śviatłana Cichanoŭskaja.
Pa jaje słovach, Kanstytucyja Biełarusi poŭnaja supiarečnaściaŭ. U joj zamacavanaje prava na žyćcio, ale kraina zastajecca apošniaj u Jeŭropie, dzie dziejničaje śmiarotnaje pakarańnie, u joj skazana, što ŭsie roŭnyja pierad zakonam, ale prezident maje imunitet ad kryminalnaha pieraśledu.
«Jana abiacaje svabodu mierkavańniaŭ, ale ŭłady kidajuć piensijanieraŭ u viaźnicy za kamientaryi ŭ internecie. Pieralik paŭnamoctvaŭ, jakimi vałodaje prezident našaj krainy, vyklučaje bałans ułady i viaršenstva demakratyi. Parłamient, Kanstytucyjny sud, refierendumy — usio tak ci inakš padparadkavanaje adnoj asobie. Kanstytucyja pavinna być harantam pravoŭ hramadzianaŭ, pavinna słužyć narodu, a zamiest hetaha słužyć čałavieku pry ŭładzie», — dadała Śviatłana Cichanoŭskaja.
Na jaje dumku, siońniašni dzień stanie sapraŭdnym śviatam, kali zakony buduć abaraniać hramadzianaŭ, a nie vykarystoŭvacca dla represijaŭ.
«Kali ŭ krainie źjavicca niezaležny sud, sumlennyja vybary i roŭnyja pravy dla ŭsich. Kali Biełaruś stanie svabodnaj i demakratyčnaj krainaj. I my nabližajem hety dzień kožnym sumiesnym namahańniem. Biezzakońnie nie moža praciahvacca biaskonca — jamu na źmienu prychodziać pavaha da pravoŭ ludziej i spraviadlivaść. Razam my pabudujem krainu, dzie kanstytucyja pavažajecca, šanujecca i vykonvajecca», — zaznačyła Śviatłana Cichanoŭskaja.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary