Папа Францішак даслаў галасавое паведамленне з бальніцы і падзякаваў вернікам за малітвы
Папа Францішак даслаў з бальніцы «Джэмелі» галасавое паведамленне, у якім падзякаваў усім, хто за яго маліўся, пакуль ён быў шпіталізаваны з бранхітам. Запіс апублікавала выданне Vatican News.
«Я дзякую вам ад усяго сэрца за малітвы, якія вы ўзносіце аб маім здароўі з плошчы [Святога Пятра]. Я суправаджаю вас адсюль. Хай дабраславіць вас Гасподзь і хай абароніць вас Дзева Марыя. Дзякуй вам», — сказаў ён на іспанскай мове.
З 24 лютага тысячы вернікаў далучыліся да рымскіх кардыналаў, а таксама да ўсіх супрацоўнікаў Рымскай курыі і Рымскай дыяцэзіі на плошчы Святога Пятра, каб прамовіць малітву Святога Ружанца за здароўе папы Францішка.
Ужо 21 дзён Францішак лечыцца ад бранхіту ў клініцы «Джэмелі».
Ён перажыў некалькі крытычных эпізодаў, у тым ліку бронхаспазм і пераліванне крыві. Некалькі дзён таму паведамлялася, што папе стала лепей.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары