У цэнтры Мінска прадаюць незвычайную аднушку з відам на Свіслач. Яшчэ нядаўна за яе прасілі амаль $200 тысяч
У гэтай кватэры адразу тры балконы.
У Мінску прадаюць аднушку на Камуністычнай, 8 з відам на Свіслач. Галоўная разынка гэтай кватэры — не сам від з вокнаў, а тры балконы плошчай па 1,9 м² кожны. Яны размешчаныя акурат у той частцы дома, дзе стаяць чатыры дэкаратыўныя калоны.
Сама кватэра мае агульную плошчу 51 м², з якіх 35 м² займае гасцёўня-прыхожая са спальным ложкам і прамавугольнай калонай пасярод пакоя. Вышыня столяў — 3 метры.
Адметна, што санвузел у гэтай кватэры па плошчы большы за кухню: 8,1 м² супраць 7,3 м².
У ванным пакоі зробленая прасторная душавая, усталяваныя стылёвыя ўмывальнік і ўнітаз, а вось з асвятляльнымі прыборамі ва ўсёй кватэры бяда: са столяў паўсюль тырчаць правады.
Кватэра выстаўленая на продаж з канца лютага. Спачатку за яе прасілі 190 тысяч даляраў, але нядаўна цану знізілі — прычым адразу на 50 тысяч. Калі пашукаць, то за такую зніжку можна набыць аднапакаёвую хрушчоўку.
Цяпер эксклюзіўную кватэру ў цэнтры можна набыць за 140 тысяч даляраў — гэта каля 2650 даляраў за квадратны метр. Агулам жа, паводле рэальных здзелак, сярэдні кошт квадратнага метра ў аднапакаёвых кватэрах Мінска складае 1780 даляраў.
-
У Мінску прадаюць звычайны звонку дом, але з багатым начыннем: пазалотай, ляпнінай і карцінамі на сценах
-
«Засталося ўсяго 6 кватэр у горадзе». На выходныя 9 мая разабралі арэндныя кватэры ў Гродне, Брэсце і Мінску. Цэны ўражваюць
-
У Мінску прадаюць нестандартную 3-узроўневую кватэру. Цана можа прыемна здзівіць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары