У Мінску прадаюць звычайны звонку дом, але з багатым начыннем: пазалотай, ляпнінай і карцінамі на сценах
У Партызанскім раёне Мінска зноў з’явіўся ў продажы знакаміты «Венецыянскі палац» са Сцяпянкі. Гэта той рэдкі выпадак, калі за звычайным фасадам хаваюцца сапраўдныя царскія пакоі — з карцінамі на сценах, пазалотай і ляпнінай. За паўтара года кошт дома знізіўся амаль удвая, піша Onliner.by.
Цагляны трохпавярховы дом (у разлік уключаны і цокальны паверх) мае амаль 500 квадратных метраў, з якіх 135 — жылыя. Катэдж пабудаваны ў 2007 годзе на вуліцы Паўднёвай, усяго ў двух кроках ад лесапарку.
У доме — чатыры жылыя пакоі, плошчай ад 28,7 да 37 «квадратаў», прасторная кухня-гасцёўня (27 м²), два санвузлы і вялікі хол на 60 м².
Уладальнікі падышлі да афармлення інтэр’ера вельмі арыгінальна: большасць сцен і столяў упрыгожаны пазалотай, на сценах вісяць карціны вядомых мастакоў. Ляпніна, калі верыць аўтару аб’явы, зроблена ўручную з гіпсу.
Цэнтральны элемент гасцёўні — каваныя сходы з калонамі, а завяршае карціну эфектная чэшская люстра. На падлозе — керамаграніт з падагрэвам, вокны са шпросамі. Уся мэбля і дэкор перайдуць новым уладальнікам у падарунак.
У доме ёсць усе неабходныя камунікацыі. Для камфорту ўсталявана два катлы (Bosch і Rinnai). Цокальны паверх можна ператварыць у камерцыйны аб’ект — напрыклад, абсталяваць пад паркоўку на 6 аўтамабіляў.
Дом стаіць на роўным участку правільнай формы плошчай 7 сотак. Інфраструктура развітая: усяго ў 5 хвілінах хады — прыпынак грамадскага транспарту.
Стаць уладальнікам двухпавярховага дома ў Мінску можна за $260 тысяч па курсе. Нагадаем, амаль два гады таму за яго прасілі $419 тысяч.
Цяпер чытаюць
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі1
Каментары