Рубіа ў апошні момант адмяніў сустрэчу з лідарамі Еўропы аб пытанні Украіны
Паводле інфармацыі выдання The Financial Times, дзяржсакратар ЗША Марка Рубіа збіраўся абмеркаваць пытанне вайны Расіі супраць Украіны з еўрапейскімі лідарамі на Мюнхенскай канферэнцыі аб бяспецы, але ў апошні момант адмяніў свой удзел у сустрэчы.
Са звестак выдання, сустрэча павінна была адбыцца 13 лютага ў Мюнхене з удзелам кіраўнікоў Германіі, Францыі, Польшчы і кіраўніцтва Еўрапейскай камісіі. Аднак Рубіа адмовіўся ўдзельнічаць «праз несупадзенне графікаў».
Неназваны прадстаўнік ЗША растлумачыў гэта вялікай колькасцю ў Рубіа іншых запланаваных сустрэч, прысвечаных пытанням Расіі і Украіны, у рамках Мюнхенскай канферэнцыі.
ЗША, паводле журналістаў, плануюць асобную сустрэчу Рубіа з прэзідэнтам Украіны Уладзімірам Зяленскім 14 лютага.
Еўрапейскія чыноўнікі назвалі адмову Рубіа «вар'яцкай» і адзначылі, што без удзелу ЗША сустрэча страціла значную частку сваёй змястоўнасці.
The Financial Times таксама падкрэслівае, што адміністрацыя прэзідэнта Дональда Трампа ўсё больш аддаляецца ад еўрапейскіх саюзнікаў і імкнецца падштурхнуць Украіну да заключэння мірнага пагаднення з Расіяй. Адмова Рубіа ад сустрэчы, на думку еўрапейскіх крыніц, сведчыць пра тое, што ЗША менш зацікаўленыя ў шчыльнай каардынацыі з Еўропай наконт урэгулявання канфлікту.
Цяпер чытаюць
Telegram выдаліў свой афіцыйны беларускі канал — верагодна, каб не падстаўляць людзей. Але многія паспелі падставіцца8
Каментары
Если бы не вмешательство Бориса Джонсона, уже в 2022 на Украине был бы мир на намного лучших условиях.
Может эта шушера-агенты Путина, ведь России не выгодно, чтобы война завершилась на теперешних границах, нужны еще Харьков, Днепр, Одесса и Николаев