U centry Minska pradajuć niezvyčajnuju adnušku ź vidam na Śvisłač. Jašče niadaŭna za jaje prasili amal $200 tysiač
U hetaj kvatery adrazu try bałkony.
U Minsku pradajuć adnušku na Kamunistyčnaj, 8 ź vidam na Śvisłač. Hałoŭnaja razynka hetaj kvatery — nie sam vid z voknaŭ, a try bałkony płoščaj pa 1,9 m² kožny. Jany raźmieščanyja akurat u toj častcy doma, dzie stajać čatyry dekaratyŭnyja kałony.
Sama kvatera maje ahulnuju płošču 51 m², ź jakich 35 m² zajmaje haścioŭnia-prychožaja sa spalnym łožkam i pramavuholnaj kałonaj pasiarod pakoja. Vyšynia stolaŭ — 3 mietry.
Admietna, što sanvuzieł u hetaj kvatery pa płoščy bolšy za kuchniu: 8,1 m² suprać 7,3 m².
U vannym pakoi zroblenaja prastornaja dušavaja, ustalavanyja stylovyja ŭmyvalnik i ŭnitaz, a voś z aśviatlalnymi pryborami va ŭsioj kvatery biada: sa stolaŭ paŭsiul tyrčać pravady.
Kvatera vystaŭlenaja na prodaž z kanca lutaha. Spačatku za jaje prasili 190 tysiač dalaraŭ, ale niadaŭna canu źnizili — pryčym adrazu na 50 tysiač. Kali pašukać, to za takuju źnižku možna nabyć adnapakajovuju chruščoŭku.
Ciapier ekskluziŭnuju kvateru ŭ centry možna nabyć za 140 tysiač dalaraŭ — heta kala 2650 dalaraŭ za kvadratny mietr. Ahułam ža, pavodle realnych ździełak, siaredni košt kvadratnaha mietra ŭ adnapakajovych kvaterach Minska składaje 1780 dalaraŭ.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary