Пра перакіданне з Беларусі ў Расію зенітна-ракетных комплексаў C-300 і C-400 «Трыумф» паведаміў 5 мая ўкраінскі маніторынгавы праект «КіберБорошно | CyberBoroshno». Сцвярджаецца, што гэта было зроблена для абароны 9 мая параду ў Маскве.
ЗРК C-400. Фота: Wikimedia Commons
«Цяпер у расіян дылема: трэба і Крым прыкрываць, а там нейкія невядомыя дроны, і парад прыкрыць, але пры гэтым і БПЛА ў тыл не прапусціць», — пішуць аўтары праекта.
Раней у сувязі з парадам у Маскве абмежавалі працу мабільнага інтэрнэту, а 7 мая ў працы расійскіх аэрапортаў ўзнік хаос праз масавую атаку ўкраінскіх дронаў.
Каментары