Ці маюць таксісты права адмовіць пасажырам з дзецьмі праз адсутнасць крэсла?
Міністэрства транспарту і камунікацый сцвярджае адназначна: не могуць.
У ведамстве адзначылі, што звароты з падобнымі скаргамі паступаюць даволі часта. Там нагадалі: перавозка пасажыраў таксі ажыццяўляецца на ўмовах публічнай дамовы і рэгулюецца законам аб аўтамабільным транспарце і перавозках.
Паводле правіл, кіроўца таксі абавязаны выконваць заказы, якія перадае дыспетчар або якія паступаюць праз электронныя сэрвісы. Пры гэтым перавозка дзяцей у таксі дазваляецца і без спецыяльных утрымліваючых прылад.
Такім чынам, адсутнасць аўтакрэсла або бустара не з’яўляецца законнай падставай для адмовы ў паездцы.
У Мінтрансе падкрэслілі, што неабгрунтаваная адмова ў перавозцы пасажыра лічыцца адміністрацыйным парушэннем і можа пацягнуць адказнасць паводле артыкула 18.26 Кодэкса аб адміністрацыйных правапарушэннях.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў34
Каментары