Артыст жыве ва Украіне больш за 15 гадоў.
Беларускі актор, тэлевядоўца, сцэнарыст і прадзюсар Яўген Смарыгін атрымаў грамадзянства Украіны, піша «Свабода».
«Я ўжо таксама ўкраінец. Мне ўжо грамадзянства надалі», — сказаў Яўген Смарыгін у відэазапісе, які размясціў на сваёй старонцы ў Facebook кіеўскі эзатэрык Андрэй Дуйко.
Яўген Смарыгін раней паведамляў, што здаў іспыт па ўкраінскай мове, каб атрымаць грамадзянства Украіны. Ён жыве ва Украіне больш за 15 гадоў, ажаніўся з украінскай грамадзянкай, з якой яны выхоўваюць трох дзяцей.
У Беларусі быў удзельнікам КВЗ, вёў некалькі забаўляльных праектаў на дзяржаўным тэлеканале АНТ — у 2009 годзе ён атрымаў дзяржаўную прэмію «Тэлевяршыня» ў намінацыі «Лепшы вядоўца музычна-забаўляльнай праграмы».
Здымаўся ў мастацкіх фільмах, вёў перадачы на расійскіх тэлеканалах.
Ва Украіна з 2015 году ўдзельнічае ў праектах «Дызель Студыя» — творчага аб'яднання колішніх удзельнікаў украінскіх каманд КВЗ.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах16
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары