У Японіі ўлады скасавалі адзін з вядомых фестываляў цвіцення сакуры з-за празмернага наплыву турыстаў і незадаволенасці мясцовых жыхароў. Гаворка ідзе пра фестываль у горадзе Фудзіёсіда каля гары Фудзі, які традыцыйна праходзіў у парку Аракураяма Сэнгэн. Сёлета яго вырашылі не праводзіць, піша The New York Post.
Як паведамілі гарадскія ўлады, прычынай стала павелічэнне выпадкаў непрыстойных паводзін турыстаў. Чыноўнікі адзначаюць, што рост патоку наведвальнікаў значна ўзмацніўся праз папулярныя відэа і фота ў сацыяльных сетках.
Мэр Фудзіёсіды Сігера Харыуці заявіў, што за прыгожымі краявідамі хаваецца сур’ёзная праблема: пад пагрозай апынуліся спакой і бяспека мясцовых жыхароў. Паводле яго слоў, улады вымушаныя былі пайсці на такі крок, каб абараніць умовы жыцця гараджан. Фестываль праводзіўся каля дзесяці гадоў.
Раней падчас цвіцення сакуры парк наведвалі каля дзесяці тысяч чалавек на дзень, а за год — да двухсот тысяч турыстаў. На фоне агульнага турыстычнага буму нагрузка на горад значна ўзрасла. У 2025 годзе Японію наведала больш за 42 мільёны турыстаў — гэта рэкордны паказчык.
Жыхары Фудзіёсіды скардзіліся на перапоўненыя вуліцы, пастаянныя коркі, смецце, кінутыя недакуркі і незаконнае пранікненне турыстаў на прыватныя тэрыторыі. Паведамлялася таксама пра выпадкі, калі госці заходзілі ў жылыя дамы, каб скарыстацца туалетам, або спраўлялі патрэбу ў дварах. Асаблівую трывогу выказвалі бацькі школьнікаў, бо турысты перашкаджалі дзецям па дарозе ў школу.
Пры гэтым у гарадской адміністрацыі прызнаюць, што адмена фестывалю не абавязкова зменшыць колькасць турыстаў. Парк Аракураяма Сэнгэн з відам на гару Фудзі, сакуры і пяціярусную пагаду ўсё адно застанецца папулярным месцам для наведвання вясной.
Беларус нырнуў без рыштунку на глыбіню 30 метраў у Мексіцы. І ўсё дзеля шыкоўных фота
Якія краіны найбольш зарабляюць на турызме?
У Беларусі прадалі тур на 10 дзён за дваіх амаль за 23 тысячы даляраў. Што за кірунак?
Японцы са слязьмі на вачах развітваюцца з пандамі — жывёлін забірае Кітай праз пагаршэнне адносін паміж краінамі
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна прыехала з Польшчы ў Беларусь, няясна4
Каментары