Сіноптык Дзмітрый Рабаў у эфіры тэлеканала АНТ папярэдзіў, што тыдзень з 9 па 15 лютага ў Беларусі будзе халодным і няўстойлівым. Паводле яго слоў, другі лютаўскі тыдзень пакажа ўвесь кантраст гэтага месяца.
Пачатак тыдня застанецца марозным: чакаецца сонечнае надвор’е і прыток арктычнага паветра. А моцны халодны вецер дадаткова ўзмоцніць адчуванне сцюжы, і тэмпература будзе адчувацца ніжэйшай за рэальную.
У сярэдзіне тыдня праз краіну пройдуць слабыя атмасферныя франты, якія прынясуць невялікі снег. У цэлым тэмпература паветра будзе на 6—8 градусаў ніжэйшая за кліматычную норму.
У панядзелак, 9 лютага, пад уплывам скандынаўскага антыцыклону ноччу чакаецца ад -17 да -24 градусаў. Днём будзе ад -9 у Брэсцкай вобласці да -15 у Віцебскай. Ападкаў не прагназуецца, але на дарогах магчымы галалёд. Вецер — паўночны.
У аўторак, 10 лютага, мароз захаваецца, істотных ападкаў не чакаецца. Месцамі магчымыя туман, шэрань і слізкія дарогі. Уначы і раніцай — ад -16 да -23 градусаў, днём — ад -2 у Брэсцкай вобласці да -13 у Магілёўскай. Вецер паўднёва-ўсходні.
З серады, 11 лютага, пачне паступаць атмасферны фронт, які крыху аслабіць маразы і прынясе снег. Надвор’е будзе воблачным з праясненнямі, на дарогах месцамі магчымыя туман і галалёд. Вецер — паўднёвы. Ноччу тэмпература складзе ад -8 на паўднёвым захадзе да -20 на паўночным усходзе. Днём халадней за ўсё будзе ў Віцебску (каля -8), а цяплей — у Брэсце (каля 0).
12 і 13 лютага надвор’е зноў вызначыць халодны паўночны антыцыклон. Ападкі адыдуць у паўднёвыя раёны краіны, месцамі магчымыя туман і галалёд. Вецер будзе парывісты, паўночна-ўсходні. У чацвер ноччу чакаецца ад -8 на поўдні да -20 на поўначы, днём — ад 0 у Брэсцкай вобласці да -12 у Віцебскай. У пятніцу істотных змен не прагназуецца: уначы — да -22 на паўночным усходзе, днём — ад -3 у Брэсце да -12 у Віцебску.
На выхадных, 14 і 15 лютага, у Беларусь прыйдзе актыўны заходні фронт. У суботу чакаецца снегапад — ад слабога да даволі інтэнсіўнага, парывісты вецер і магчымыя завірухі. Ноччу будзе ад -8 да -15, днём — ад -3 да -9 градусаў.
У нядзелю снег працягнецца ў многіх раёнах, што можа ўскладніць сітуацыю на дарогах. Вецер зменіцца на паўночна-заходні. Тэмпература ноччу будзе вагацца: ад +2 у Брэсцкай вобласці да -5 на паўночным усходзе Віцебшчыны.
Цяпер чытаюць
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары