Дональд Туск заявіў пра неабходнасць узмацнення вайсковага кантынгенту на мяжы з Беларуссю і Расіяй
Абарона ўсходняй мяжы Еўрасаюза стала сёння прыярытэтам, заявіў прэм'ер-міністр Польшчы Дональд Туск у Брусэлі, куды прыбыў на саміт па Украіне.
Польскі палітык таксама адзначыў, што мае намер падняць пытанне аб неабходнасці павелічэння прысутнасці еўрапейскіх войскаў і войскаў НАТА на ўсходніх межах.
«Каб па-сапраўднаму гарантаваць нечую бяспеку, спачатку трэба быць у бяспецы самому. Неабходна гарантаваць бяспеку еўрапейскіх межаў, у прыватнасці з Расіяй і Беларуссю, а таксама бяспеку марской, паветранай і кіберпрасторы. І тады мы зможам аказваць больш якасную і эфектыўную дапамогу Украіне», — цытуе словы прэм'ер-міністра Польшчы Onet.pl.
6 сакавіка ў Брусэлі праходзіць экстранны саміт Еўрапейскага Саюза па Украіне. Галоўныя тэмы пасяджэння на найвышэйшым узроўні — тэрміновая і доўгатэрміновая падтрымка Украіны ў новым кантэксце, а таксама новы падыход ЕС да еўрапейскай абароны.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары