Макрон: Будучыню Еўропы не будуць вызначаць ні ў Вашынгтоне, ні ў Маскве
Макрон звярнуўся да французскай нацыі, каментуючы вайну ва Украіне і сітуацыю з бяспекай у Еўропе. Прэзідэнт Францыі збірае ў Парыжы кіраўнікоў Генштабоў Еўропы, абяцае краінам ЕС ядзерны парасон, паведамляе тэлеканал France 24.
«Мы рухаемся да новай эры», — сказаў Макрон.
Прэзідэнт Францыі Эмануэль Макрон пачаў сваю прамову ў прайм-тайм з пералічэння бягучых праблем у галіне бяспекі і эканомікі, якія стаяць перад краінай.
Мір ва Украіне не можа наступіць, калі Расія дыктуе ўмовы ці калі Украіна знішчана ці капітулявала — мір не можа быць дасягнуты «любой цаной», лічыць Макрон.
«Будучыню Еўропы не будуць вызначаць ні ў Вашынгтоне, ні ў Маскве», — адзначыў ён.
Прэзідэнт Францыі перакананы, што Еўропа ў стане лепш абараняць сябе і што ёй трэба распрацаваць доўгатэрміновы мірны план. Важна больш узбройвацца, сказаў ён.
«Рашэнні, якія будуць прынятыя зараз, паўплываюць на ўсю будучыню», — дадаў Макрон.
Прэзідэнт нагадаў пра магчымасць адпраўкі еўрапейскіх войскаў ва Украіну, але падкрэсліў, што гэта неабавязкова значыць іх удзел у барацьбе на фронце. Пагроза з боку Расіі павялічваецца на ўсю Еўропу, «гэта не проста расійска-ўкраінскі канфлікт, гэта міжнародны канфлікт».
Таксама Макрон заявіў, што абмяркуе з еўрапейскімі калегамі ідэю выкарыстання французскіх сродкаў ядзернага стрымлівання для абароны кантынента перад тварам пагроз з боку Расіі.
«Расія працягвае пераўзбройвацца, яна выдаткоўвае 40% свайго бюджэту на абарону. Да 2030 года Расія хоча мабілізаваць дадаткова яшчэ тры мільёны жаўнераў і дадаць да ўзбраення яшчэ чатыры тысячы танкаў», — заўважыў Макрон.
На наступным тыдні Францыя збярэ начальнікаў штабоў усіх краін, гатовых «гарантаваць будучы мір ва Украіне». Макрон сказаў, што Францыя павінна быць гатовая, калі ЗША «больш не будуць побач з ёй».
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»27
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Калісьці казалі што Расея захопіць Кіеў за 3 дні. 3 гады пазней пуцін просіць свайго галоўнага хайрусніка ў Вашынгтоне каб ён перастаў дапамагаць Украіне