Лукашэнка назваў праект нумар адзін у эканамічным супрацоўніцтве з РФ
Даклад аб развіцці двухбаковых адносін паміж Беларуссю і РФ Аляксандру Лукашэнку прадставіла так званая група Круты — Арэшкін (кіраўнік Адміністрацыі Лукашэнкі Дзмітрый Круты і намеснік кіраўніка Адміністрацыі прэзідэнта Расіі Максім Арэшкін). Яны курыруюць развіццё сувязяў паміж краінамі.
Адзін з напрамкаў супрацоўніцтва з РФ — развіццё чыгуначных зносін. Будаўніцтва высакахуткасных чыгуначных магістраляў дапаможа не толькі павялічыць турыстычныя патокі, але і павысіць эканамічную ўзаемазвязанасць дзвюх краін. Пакуль шлях паміж Мінскам і Масквой па чыгунцы займае больш за 8 гадзін. Яго можна скараціць да трох, распавёў Арэшкін.
«Гэта ў парадку дня ў нас з Пуціным літаральна першае пытанне, — заявіў Лукашэнка. — Я яго ўвесь час падштурхоўваю нават: навошта кудысьці далёка будаваць — ёсць дарога, трэба ў гэтым кірунку. І не да Мінска, а да Брэста. І гэта будзе хутка. Ён мяне падтрымлівае ў гэтым плане».
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам8
Каментары