«Падпіраючы гэту машыну, задумайся пра наступствы для свайго здароўя». Пагрозы ў адным мінскім двары
Мінчукі расказалі, як у двары на праспекце Любімава, 18 хтосьці нахабна браніруе некалькі месцаў на стаянцы і пагражае іншым жыхарам.
«Чорная машына без нумарных знакаў (а насамрэч яна знаходзіцца на расійскім уліку) і белая «Волга» стаяць, займаючы чатыры парковачныя месцы, ужо на працягу некалькіх гадоў. Нібы гаспадар прыязджае на яшчэ адной «Волзе» (шэрай), паркуецца, падпіраючы гэтыя дзве. Калі стаіць іншая машына, то альбо тэлефануе ў ДАІ, маўляў, яго «Волгу» (белую) падперлі, альбо спускае шыны.
А нядаўна пад шклом чорнага аўто з'явілася «пасланне»: «Падпіраючы гэту машыну, задумайся пра наступствы для свайго здароўя».
Гады тры, напэўна, гэта ўжо доўжыцца. Бывае, да белай «Волгі» прывязаны знак аварыйнага прыпынку і стаіць перад машынамі, маўляў, занята», — расказаў «Анлайнеру» адзін мінчук.
«Два месцы займае ў дварах, яшчэ і пагрозы нейкія. Дык яшчэ і ездзіць гэтая машына раз на пару тыдняў», — пацвярджае гісторыю з чорным аўтамабілем на расійскіх нумарах іншы мясцовы аўтамабіліст.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары