Пасля вайны імі карысталася амерыканская разведка, а цяпер гэта ўнікальная крыніца для гісторыкаў і краязнаўцаў.
У свабодны доступ пачалі выкладаць аэрафотаздымкі тэрыторыі Беларусі, якія былі зроблены нямецкімі вайскоўцамі ў 1939-1945 гады. Яны з'яўляюцца часткай велізарнай калекцыі здымкаў тэрыторыі СССР, што трапіла ў ЗША пасля завяршэння вайны. Здымкі доўгі час былі засакрэчанымі, бо выкарыстоўваліся амерыканскай разведкай у сваіх мэтах.
У наш час сакрэтнасць знятая, і здымкі можна было заказаць у архіве, але ў свабодны доступ іх пачалі выкладаць толькі цяпер.
З 2176 нямецкіх аэрафотаздымкаў Беларусі ў каталогу найбольшая колькасць прыпадае на Брэсцкую, Гродзенскую і Мінскую вобласці, але сустракаюцца і асобныя здымкі Віцебскай, Гомельскай і Магілёўскай абласцей.
Здымкі ахопліваюць як гарады, так і сельскую мясцовасць і могуць служыць унікальнай крыніцай для вывучэння гісторыі і архітэктуры краю. Разрозненне фотаздымкаў, выкладзеных на сайце Нацыянальнага архіва ЗША, складае 3800 × 3800 пікселаў, чаго дастаткова для таго, каб зразумець планіроўку і апазнаць асобныя будынкі і збудаванні. Здымкі могуць быць вельмі карыснымі для вызначэння дакладнай лакалізацыі невялікіх населеных пунктаў і драўляных храмаў у сельскай мясцовасці, якія не дайшлі да нашага часу.
Да таго ж захоўваецца магчымасць замовіць у архіве цікавы здымак у разрозненні 14500 × 14500 пікселяў, каб вывучыць усе дэталі.
Цяпер чытаюць
Міжнародны крымінальны суд пачаў расследаванне злачынстваў, здзейсненых рэжымам Лукашэнкі13
Каментары
пока 5, но уверен, их больше. наверно среди них есть те, кто чуть по-умнее и так дёшево не прокалываются )))
зравьяжелаю, товарищи майоры ))
А асобныя нямецкія здымкі былі ў доступе яшчэ ў 2010-х: цэнтр Мінска, аэрадром, Курапаты, іншыя гарады.
Пытанне больш да таго, што плёнак шмат, іх трэба перавесці ў лічбавы фармат, класіфікаваць, прывязаць да мясцовасці. І далёка не ўсё апрацавана.
Тут хутчэй трэба быць удзячным амерыканскім архівам, якія з-за спецыфікі заканадаўства выкладваюць здымкі у публічны доступ. У іншых краінах з гэтым праблема.
(І дадам, што лапідарныя геніі сучаснай улады могуць і гэта паламаць, калі зоймуцца скарачэннем выдаткаў у тым ліку на архівы).