У Мінску ратыфікавалі дамову, якая дазваляе РФ ствараць у Беларусі ваенныя аб'екты
Дагавор паміж Беларуссю і Расійскай Федэрацыяй аб гарантыях бяспекі ў рамках Саюзнай дзяржавы, які дае магчымасць ствараць расійскія ваенныя аб'екты ў Беларусі, ратыфікаваны Палатай прадстаўнікоў Нацыянальнага сходу Беларусі. Адпаведны праект закона прыняты на пасяджэнні сесіі ніжняй палаты беларускага парламента, піша ТАСС.
У адпаведнасці з дакументам, бакі будуць разглядаць узброены напад на ўдзельніка Саюзнай дзяржавы як акт агрэсіі супраць Саюзнай дзяржавы ў цэлым і будуць прымаць адпаведныя меры ў адказ з выкарыстаннем усіх сіл і сродкаў, якія знаходзяцца ў іх распараджэнні, гаворыцца ў паведамленні.
Акрамя таго, бакі разглядаюць ядзерную зброю РФ як важны фактар, каб прадухіліць узнікненне ядзерных ваенных канфліктаў і ваенных канфліктаў. Удакладняецца, што ядзерная зброя РФ можа быць прыменена ў адказ на прымяненне супраць любога з бакоў дагавора ядзернай зброі або іншых відаў зброі масавага паражэння. Таксама яна можа быць прыменена ў выпадку агрэсіі супраць любога з бакоў з прымяненнем звычайнай зброі, якая «стварае крытычную пагрозу яе суверэнітэту або тэрытарыяльнай цэласнасці».
Рашэнне аб прымяненні для абароны Беларусі размешчанай на яе тэрыторыі ядзернай зброі Расійскай Федэрацыі «прымаецца ў парадку, устаноўленым бакамі».
Дагавор заключаны на 10 гадоў з аўтаматычным прадаўжэннем на наступныя 10-гадовыя тэрміны і ўступае ў сілу ў дзень абмену ратыфікацыйнымі граматамі, піша БелТА.
-
Літва палічыла фігуранта расследавання «Нашай Нівы» Скіндзерава пагрозай нацыянальнай бяспецы і збіраецца пазбавіць статусу ўцекача
-
У прыгранічных Лельчыцах вучыліся разгортваць рухомыя пункты харчавання і рэчавага забеспячэння
-
У Віцебску на пешаходным пераходзе паставілі незвычайныя слупкі. Як яны працуюць?
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары