За студзень у Беларусі заблакіравалі больш за дзве тысячы інтэрнэт-рэсурсаў
Каля сямі тысяч інфармацыйных матэрыялаў у Беларусі прызнаны «экстрэмісцкімі», распавёў міністр інфармацыі Марат Маркаў.
У 2024 годзе «экстрэмісцкімі» ўлады прызналі каля трох тысяч матэрыялаў. Акрамя таго, у краіне заблакаваныя 15 150 інтэрнэт-рэсурсаў.
Пры гэтым толькі за студзень улады заблакавалі больш за дзве тысячы рэсурсаў, якія, па іх меркаванні, супярэчаць інтарэсам дзяржавы, піша «СБ».
«Толькі за студзень падчас перадвыбарчай кампаніі мы былі вымушаны абмежаваць доступ да амаль 2200 такіх рэсурсаў.
Гэта не кажа аб тым, што Міністэрства інфармацыі такое злое і ўсё забараняе. Гэта сведчыць аб тым, што на стварэнне такіх рэсурсаў укладваюцца дзесяткі мільёнаў долараў для таго, каб яны працавалі на развал нашай дзяржавы. Гэта значыць мы ўвесь час знаходзімся ў стане інфармацыйнага супрацьборства. Хто думае, што гэта не так — жыве ў свеце ілюзій», — лічыць Маркаў.
«Экстрэмісцкімі» ў Беларусі прызнаныя практычна ўсе незалежныя СМІ і блогі, а таксама мноства асабістых старонак у сацсетках як вядомых, так і непублічных беларусаў. Улады блакуюць доступ да любых рэсурсаў, якія трансліруюць альтэрнатыўную афіцыйнай павестку. Прычым, каб патрапіць у забаронены спіс, зусім не абавязкова публікаваць палітычны кантэнт.
У Беларусі знайшлі копію швейцарскіх Альпаў — але турыстаў там не чакаюць2
Каментары