У Брэсце 59-гадовы грамадзянін Польшчы прынёс у банк 550 еўра купюрамі па 50 еўра. Аднак у супрацоўніцы банка ўзніклі падазрэнні адносна іх сапраўднасці, якія пасля пацвердзіліся, паведамляе Дзяржкамітэт судовых экспертыз.
Фота: Дзяржаўны камітэт судовых экспертыз
Купюры канфіскавалі і аддалі на экспертызу, якая засведчыла, што ўсе яны падробленыя. Выявы на абодвух баках банкноты былі выкананыя спосабам плоскага афсетнага друку, вадзяныя знакі, ахоўная нітка, ультрафіялетавыя і інфрачырвоныя элементы імітаваныя. Таксама праведзена імітацыя рэльефнасці малюнкаў.
Мужчына, які прынёс банкноты ў банк, патлумачыў, што працуе кіроўцам і грошы атрымаў у Польшчы. Што яны могуць быць фальшывымі, ён, паводле ягоных слоў, не ведаў.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»31
Каментары