За дзевяць месяцаў 2024 года ў краіне выяўленыя 484 падробленыя грашовыя знакі: 482 банкноты і дзве манеты. Колькасць падробак у параўнанні з аналагічным перыядам 2023 года скарацілася на 20%, паведамляе Нацбанк.
Статыстыка падробак паводле валют: даляр ЗША — 78,7% усіх падробак, расійскі рубель — 12,2%, еўра — 7,9%., беларускі рубель — 1%.
Колькасць падробных даляраў зменшылася на 24,9%. Падробкі беларускіх рублёў скараціліся на 73,7%. У той жа час колькасць фальшывых расійскіх рублёў вырасла на 47,5%.
У даляры ЗША купюры ў 100 даляраў складаюць 86,4% падробак. $50 — 13,4%.
5 тысяч расійскіх рублёў — 84,7% усіх выяўленых падробак.
50 еўра — 63,2%.
Што да беларускага рубля, то банкноты ўзору 2009 года наміналамі 100 і 20 рублёў. На іх адсутнічалі элементы абароны.
Згодна са справаздачай, падробкі беларускіх рублёў сустракаюцца ўсё радзей, што можа быць звязана з паляпшэннем сістэмы абароны нацыянальнай валюты.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў6
Каментары