Ёсць простыя і эфектыўныя спосабы адклеіць этыкеткі — без пакутлівага шаравання і скробання.
Выдаленне этыкетак са слоікаў можа стаць сапраўдным выпрабаваннем. Звычайна проста памыць — мала, але ёсць простыя і дзейсныя метады, якія дапамогуць хутка і часам нават весела даць рады гэтай задачы.
Выкарыстоўвайце інгрэдыенты, якія ёсць у вас пад рукой, і ніякага клею не застанецца.
Самы просты спосаб зняць налепкі са шклатары — намачыць яе ў гарачай вадзе. Дадайце трохі вадкасці для мыцця посуду, і хай трохі адмокне — клей разыдзецца, і этыкетка лёгка адстане, а рэшткі клею проста губкай здымуцца. Адмакае эыткетка за 15—30 хвілін.
Калі ўсё яшчэ засталіся сляды клею, можна скарыстацца іншым прыёмам. Вазьміце звычайную харчовую соду. Пры патрэбе, намажце содай на пару хвілін, а пасля здыміце рэшткі клею губкай.
Алей і масла таксама могуць быць эфектыўнымі, каб адчысціць этыкеткі. Проста нанясіце іх на налепку і пакіньце на паўгадзіны. Пасля гэтага пазбавіцца ад яе будзе надзвычай лёгка.
Вы здзівіцеся, але добра здымае этыкеткі нават маянэз. Ягоны тлушч можа быць шкодны для здароўя, затое ён вельмі эфектыўна растварае клей, дзякуючы чаму этыкетка сама адрываецца ад слоіка.
Ну, і калі ўжо гаворка зайшла пра нетыповыя і забаўныя спосабы, вось яшчэ адзін: цёплы струмень паветра з фена для валасоў. Высокая тэмпература размякчае клей, таму налепку можна выдаліць без праблем.
Яшчэ адзін эфектыўны метад — закіпяціце ваду ў чайніку і патрымайце слоік над парай каля хвіліны, выкарыстоўваючы рукавіцу, бо ён можа быць гарачым. Здыміце этыкетку і паўтарыце дзеянне, пакуль са слоіка не знікне клей. Пасля гэтага вытрыце яго насуха.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары