Былы купалавец Ігар Сігоў прыгадаў таксама, як Лукашэнка прапаноўваў кінематаграфістам за ўласныя грошы здымаць фільмы.
Ігар Сігоў сустракаўся з Аляксандрам Лукашэнкам некалькі разоў. Адной з такіх сустрэч была нарада па праблемах кінематаграфіі.
«Сабраліся кінарэжысёры, прадзюсары, акцёры. І ўсе казалі: «Ай-ай-ай, нам не хапае грошай. І гэтак далей, і гэтак далей. «Беларусьфільм» казаў, дакладней, рэжысёры, што з грошай, якія выдзелены былі на праект, 40 працэнтаў забірае кінастудыя. А як здымаць?
Ён усё гэта слухаў, слухаў і кажа: «Больш грошай вам не дам. Бо, па-першае, я не веру ў тое, што вы можаце зняць харошае беларускае кіно. А таму я прапаную вам такі варыянт. Тут ёсць прадзюсары, акцёры, рэжысёры. Вы закладваеце сваю маёмасць, бераце грошы, здымаеце кіно, паказваеце мне. Калі яно добрае, то дзяржава ў вас яго выкупіць. І вы зможаце вярнуць сваю маёмасць». Геніяльны ход!» —
згадвае акалічнасці Сігоў у інтэрв'ю ютуб-каналу «Настоящее время. Беларусь».
Па словах былога купалаўца, беларускія акцёры маглі атрымаць вялікія ганарары толькі за здымкі ў расійскіх серыялах. Яго самы вялікі ганарар быў за серыял «Навігатар»:
«Я атрымаў недзе 25 ці 26 тысяч даляраў за паўгода здымак. Што, напрыклад, для расіян, нішто. Таму казаць, што акцёры ў Беларусі (…) валодаюць маёмасцю, грашыма, яны ўвогуле ні ў чым сабе не адмаўляюць… Я сабе ні ў чым не адмаўляў, але я разлічваў на тое, што магу сабе дазволіць. Напрыклад, узяць машыну ў лізінг я сабе мог дазволіць, таму што я разумею, што час ад часу пападалася кіно, на якое мяне запрашалі. А гэта зразумела, што 300 даляраў за дзень я мог зарабіць і такім чынам за месяц пагасіць лізінг».
Цяпер Ігар Сігоў жыве ў Варшаве і працуе на ўласным аўто таксістам. Па яго словах, заробак складае прыкладна тысячу еўра ў месяц. Акрамя гэтага мужчына перыядычна ўдзельнічае ў розных тэатральных і кінапраектах.
«Апошні здымачны дзень у кіно ў мяне быў 800 еўра», — кажа Сігоў.
Цяпер чытаюць
«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай9
Каментары