На мяжы з Беларуссю літоўскія памежнікі знайшлі 25-метровы тунэль кантрабандыстаў
Супрацоўнікі Службы аховы дзяржаўнай мяжы Літвы (VSAT) знайшлі падземны тунэль даўжынёй каля 25 метраў недалёка ад мяжы з Беларуссю. Мяркуецца, што ён выкарыстоўваўся для перавозкі кантрабанды. Тунэль быў знойдзены каля вёскі Пашальчыс.
Дарадца Службы аховы дзяржаўнай мяжы Гедрус Мішуціс у каментары LRT.lt пацвердзіў факт выяўлення тунэлю, аднак не раскрыў яго дакладнае месца і акалічнасці знаходжання.
«Паколькі распачатае дасудовае расследаванне, усе дэталі мы ўзгадняем з пракуратурай. Аднак у бліжэйшы час будзе апублікаваная афіцыйная заява з поўнай інфармацыяй», — дадаў Мішуціс.
Хоць пасля ўсталявання фізічнага бар'ера — ахоўнага плота з калючым дротам — на мяжы з Беларуссю барацьба з кантрабандай значна спрасцілася, злачынныя групы працягваюць шукаць новыя спосабы незаконных перавозак. Сярод новых метадаў — GPS-датчыкі, зашыфраваныя перамовы, паветраныя шары для транспарціроўкі кантрабандных тавараў.
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10
Каментары
Блакітныя вочы,
Ён гуляе штоночы
У небяспечныя гульні..."
Беларуская рамантыка! ))