Грамадства22

Як здароўе ў Рыгора Кастусёва?

Былы старшыня БНФ, які мінулым летам выйшаў на свабоду, змагаецца з анкалогіяй — тры аперацыі за год. «Наша Ніва» распытала сяброў Рыгора Кастусёва, як ён цяпер жыве.

Як нам стала вядома, у лістападзе 2024 года Рыгору Кастусёву зрабілі аперацыю ў РНПЦ у Бараўлянах. Але гэтым справа не скончылася. Калі ў пачатку снежня палітык прыехаў па накіраванне ў санаторый, дактары яго не адпусцілі і зрабілі яшчэ адну аперацыю.

Цяпер Кастусёву даводзіцца прымаць шмат лекаў, але ён адчувае сябе лепш, чым у верасні-кастрычніку мінулага года— тады было вельмі цяжка. У санаторый ён так і не трапіў — плануе туды паехаць у лютым.

Нягледзячы на праблемы са здароўем, напрыканцы мінулага лета Кастусёў шмат працаваў на агародзе ў вёсцы. Цяпер ён працягвае рамонт у сваёй шклоўскай кватэры, які распачаў яшчэ да арышту. З пенсіі шмат грошай не выдаткуеш, таму ён усё робіць сам. Пытанні здароўя па-ранейшаму забіраюць у былога палітвязня шмат часу і сілаў.

Старшыню БНФ Рыгора Кастусёва затрымалі 12 красавіка 2021 года. Яму прысудзілі 10 гадоў зняволення па абвінавачванні ў «змове з мэтай захопу ўлады неканстытуцыйным шляхам» (арт. 357 КК). Палітыка вызвалілі 3 ліпеня 2024 года па памілаванні.

Падчас зняволення ў Рыгора Кастусёва знайшлі анкалагічную хваробу. Нягледзячы на дрэнны стан здароўя, яго змясцілі ў памяшканне камернага тыпу, а пазней перавялі ў крытую турму. У красавіку 2024 года, калі Кастусёў яшчэ быў за кратамі, яму зрабілі аперацыю.

«Наша Нiва» — бастыён беларушчыны

ПАДТРЫМАЦЬ

Каментары2

  • Ахвяра
    23.01.2025
    Рыгор прынес віно з атрутай сябру БНФ-- той сябра выжыў (то была ў 2011м)
  • Алесь
    23.01.2025
    Напрыклад, у ЗША ёсць такая форма арганізацыі аховы здароўя, як Non-profit hospital (https://en.wikipedia.org/wiki/Non-profit_hospital#:~:text=be%20for%2Dprofit.-,A%20non%2Dprofit%20hospital%2C%20or%20not%2Dfor%2Dprofit,care%20in%20the%20United%20States.). Сутнасць у тым, што прыбытак арганізацыя можа траціць толькі на рэінвеставанне ў медыцынскі сектар. То бок укладваць грошы ў новае абсталяванне, новыя будынкі і г.д.

    Вось такую форму стацыянарнай дапамогі можна выбраць для Беларусі, як спалучэнне якасці і даступнасці.

    Пры гэтым амбулаторную дапамогу зрабіць цалкам камерцыйнай і страхавой. Страхоўка будзе каштаваць нядорага.
    Напрыклад, амбулаторную дапамогу можна аплачваць непасрэдна з сімвалічных узносаў грамадзян. Чаму сімвалічных? Таму што на працягу ўсяго жыцця мы 2-3 разы трапляем у бальніцу. А плаціць узносы будуць усе. Напрыклад, стацыянарна назіраюцца 10% насельніцтва, а ўзносы плацяць 100% людзей. Такім чынам салідарнасць будзе пакрываць бягучыя выдаткі.

    Таксама хачу звярнуць увагу, што на Захадзе пенсіі невялікія. Напрыклад, у Германіі яна складае 1500 еўра пры сярэдняй зарплаце ў 4500 еўра. Адлічэнні ва ўсіх сістэмах залежаць ад узроўню даходу працоўнага і не ўлічваюць прыбытак кампаніі. Трэба зрабіць так, каб узносы ў пенсійны фонд залежалі ад прыбытку кампаніі. А пенсію зрабіць назапашвальнай, каб яна была роўная медыянавай зарплаце па краіне.

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Рамзан Кадыраў ледзь не патануў на адпачынку ў Турцыі9

Крывавая страляніна: што адбываецца паміж Камбоджай і Тайландам?

«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск3

Галоўны трэнер «Нёмана» выканаў дзіўны танец пасля перамогі ў матчы Лігі канферэнцый

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

Мінскае «Дынама» без шанцаў прайграла албанскай «Эгнаціі»2

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць