Пільны рыэлтар у Мінску пераканаў пенсіянерку не прадаваць кватэру махлярам
Усё пачалося з тэлефанавання аб праверцы электронных лічыльнікаў.
У Мінску рыэлтар пераканаў пенсіянерку не прадаваць кватэру па парадзе махляроў. Падрабязнасці паведамілі ў прэс-службе ГУУС Мінгарвыканкама.
Адзначаецца, што на хатні тэлефон жыхаркі Партызанскага раёна патэлефанавалі невядомыя, прадставіўшыся супрацоўнікамі «Энергазбыту».
Яны папрасілі жанчыну даць асабістыя звесткі, якія патрэбныя для замены лічыльнікаў. Пенсіянерка прадыктавала свой нумар тэлефона, адрас месца жыхарства, а таксама серыю і нумар пашпарта.
Паралельна з гэтым мінчанцы ў месенджары паступіў званок нібыта ад міліцыянта. Ён сказаў, што пенсіянерка размаўляе па хатнім тэлефоне з ашуканцамі і пачаў патрабаваць спыніць з імі размову.
Пасля гэтага мужчына змог пераканаць пажылую мінчанку ў тым, што ашуканцы выставілі на продаж яе кватэру. Каб выправіць сітуацыю, аферыст раіў самастойна знайсці рыэлтара, а затым прадаць кватэру. Атрыманыя сродкі трэба было перавесці на бяспечны рахунак.
Пенсіянерка звязалася з агентам і дамовілася пра сустрэчу. Рыэлтар, пагутарыўшы з жанчынай, дапусціў, што яна магла прыняць рашэнне аб продажы кватэры па прычыне ціску з боку аферыстаў.
Спецыяліст парэкамендаваў пажылой мінчанцы ўсё расказаць блізкім людзям.
«Пасля размовы з роднымі жанчына зразумела, што ледзь не стала ахвярай падману і звярнулася ў міліцыю», — адзначылі ў міліцыі.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?4
Каментары