Мінінфармацыі патлумачыла, чаму ў Беларусі пакуль не будуць забараняць сацсеткі
Усё дзеля дзяржаўных СМІ.
Беларусь пакуль не будзе цалкам забараняць сацыяльныя сеткі, праз якія «распаўсюджваецца дэструктыўная інфармацыя», сказаў першы намеснік міністра інфармацыі краіны Андрэй Кунцэвіч.
Паводле яго слоў, зараз ведамства не ідзе на радыкальныя крокі па блакаванні канкрэтных сацыяльных сетак цалкам — толькі асобныя акаўнты і матэрыялы прызнаюцца экстрэмісцкімі і доступ да іх блакуецца.
«Выдатна разумеем, што сёння на гэтых пляцоўках працягваюць працаваць, хай і з пэўнымі абмежаваннямі, нашы дзяржаўныя СМІ, а значыць, мы маем магчымасць выхаду на досыць шырокую аўдыторыю», — адзначыў Кунцэвіч у эфіры тэлеканала СТБ.
Ён праінфармаваў, што ў Беларусі дзейнічае спіс экстрэмісцкіх матэрыялаў, які ў сапраўдны момант налічвае 6565 пазіцый. Пры гэтым каля дзвюх тысяч матэрыялаў былі ўключаныя ў гэты пералік у 2024 годзе.
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8
Каментары
Ошибка 451
На территории вашей страны просмотр этой страницы запрещен действующим законодательством.