Мінчанка расказала, як змагла правезці ежу праз беларуска-літоўскую мяжу
Лайфхак рэальна спрацаваў, бацькі атрымалі ласункі.
Нагадаем: з 3 чэрвеня 2024 года Літва забараніла ўвозіць амаль любыя прадукты харчавання і напоі з Беларусі. Першыя дні літоўскія мытнікі да гэтага ставіліся вельмі жорстка (былі нават сітуацыі, калі прымушалі выкідаць пакусаны яблык), але потым умовы ўсё ж змякчылі, дазволіўшы везці ссабойкі.
Мінчанка Вольга падзялілася ўласным досведам. Пачалося ўсё з таго, што яе маці, якая жыве ў Францыі, папрасіла дачку даслаць неабходныя лекі (у той краіне патрэбныя не прадаюцца). Тэарэтычна можна было замовіць іх ва Украіне, але з улікам дастаўкі лекі каштавалі б у 3-4 разы даражэй, чым калі набыць іх у Беларусі і даслаць самастойна з Літвы.
— Я пагадзілася гэта зрабіць. Канечне, мне не хацелася губляць магчымасць перадаць тату яго любімы зефір у шакаладзе — хаця б крыху, бо ў Францыі такога няма.
Таму разам з лекамі Вольга спакавала ў пасылку шмат прысмакаў.
— А шостай раніцы я стаяла на вакзале і чакала аўтобус. Ужо праз 8 гадзін, я апынулася ў Вільні.
Памежнікі пасылкай не цікавіліся. Першапачаткова дзяўчына планавала адправіць пасылку праз DHL Express, але гэтая служба дастаўкі шакіравала беларуску коштам. За пасылку вагой 2 кілаграмы ёй прапанавалі заплаціць 80 еўра.
У выніку Вольга скарысталася паслугамі дзяржаўнай пошты Літвы. Там кошт быў больш прыемным (18 еўра), але папярэдзілі, што ў сярэднім пасылка па Еўропе ідзе каля тыдня. Блогерка не спяшалася, таму ўмовы яе цалкам задаволілі.
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць30
Каментары