The Warsaw, які пачынаўся з невялікага пабліка ў сацсетках, за некалькі гадоў ператварыўся ў галоўнае медыя для эмігрантаў з постсавецкай прасторы.
На гісторыю стварэння праекта пралілі святло ў новым выпуску шоу «о(б)суждаем». У гэтым медыя сёння працуе і Глеб Сямёнаў, адзін з вядоўцаў шоу.
Рускамоўныя паблікі пра Варшаву, арыентаваныя на мігрантаў з постсавецкай прасторы, за апошнія гады перараслі ў сапраўднае медыя са сваім сайтам і папулярнымі акаўнтамі ў сацсетках. Напрыклад, інстаграм The Warsaw сёння мае больш за 140 тысяч падпісчыкаў.
Прычына такой папулярнасці не толькі ў якасным і даступным кантэнце, але і ў той велізарнай плыні мігрантаў, якія бягуць з Беларусі, Расіі і Украіны ад рэпрэсій ці ад вайны. Многія эмігранты, якія яшчэ не цалкам зліліся з польскамоўным асяроддзем, атрымліваюць інфармацыю пра падзеі ў польскай сталіцы з The Warsaw.
Але менавіта беларусы фактычна сталі інфармацыйнымі манапалістамі ў Варшаве сярод рускамоўнай аўдыторыі. Запрошаны ў шоу стваральнік The Warsaw беларускі айцішнік Улад Ла́ўрыш, лічыць, што такая сітуацыя склалася выпадкова.
Сам ён прыехаў у Польшчу задоўга да трагічных падзей апошніх гадоў і сёння збольшага займаецца развіццём уласна створанага медыя.
Першыя думкі стварыць такі праект у хлопца з'явіліся яшчэ ў 2017 годзе, калі толькі пераехаў у Варшаву. Тады ён не ведаў чым заняць сябе ўвечары ў горадзе. Сваю праблему Лаўрыш вырашыў сам — пачаў маніторыць польскія рэсурсы з мерапрыемствамі і весці паблік «Куды пайсці ў Варшаве». Пераклад на рускую мову дапамог яму вывучыць польскую мову.
Блог спачатку не прыносіў ніякага прыбытку. Але новы праект The Warsaw, які з'явіўся ў 2019 годзе, Лаўрыш ствараў ужо маючы добрыя сувязі. Праект за пяць гадоў вырас да вялікага і прыбытковага гарадскога выдання.
На стварэнне яшчэ аднаго блога «Як жыць у Варшаве», у якім сам Лаўрыш робіць агляды кавярняў, выставак і цікавостак польскай сталіцы, як прызнаецца хлопец, яго натхніў мінскі фудблогер Какабай.
«Наша Нiва» — бастыён беларушчыны
ПАДТРЫМАЦЬ«Хейту ў маім жыцці было шмат». Што за дзяўчына здымае беларускіх артыстаў і папулярнае беларускае ютуб-шоу «О(б)суждаем»
Манетачка расказала пра свае беларускія карані
Вядомы блогер набыў кватэру ў Польшчы — вось як гэта ў яго атрымалася
Згубіліся ў беларускім ютубе? Вось ажно 17 каналаў — знойдзеце свой
Цяпер чытаюць
Галыгіна прымусілі апраўдвацца за зварот да сілавікоў у 2020-м2
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
Але адносна праекту, там часта трапляліся капіпасты ці перадрукі навін зусім без асэнсавання, фактчэкінгу, праверкі ці тлумачэння для "зялёных" у тэме, так што так сабе. Лепш ужо б беларусы ў беларускіх СМІ чыталі, што ў Польшчы (хаця тут таксама ёсць падобныя праблемы), а найлепш у мясцовых польскіх. Ну хіба, што ёсць ахвота жыць у расейска(моўным) гета.
Яшчэ ўзнікае пытанне, ці такіх грамадзянам РБ не сорамна цягнуць расейшчыну за мяжу? Асабліва ў Польшчу з улікам яе гісторыі, свядомасці і культуры. Ці ўзнікае хоць "піксель" рэфлексіі ў гэтых белорусских маладзёнаў?