Прэзідэнт Расіі Уладзімір Пуцін ухіліўся ад прамога адказу на пытанне, ці праўда, што салдаты з КНДР рыхтуюцца ваяваць на баку Расіі супраць Украіны, піша The Moscow Times.
Журналіст NBC News паказаў Пуціну здымкі, якія сведчаць пра перакіданне паўночнакарэйскіх вайскоўцаў на тэрыторыю Расіі, спытаў, што гэтыя людзі там робяць і ці не будзе гэта яшчэ большай эскалацыяй.
«Здымкі — рэч сур'ёзная. Калі ёсць здымкі, значыць, яны нешта адлюстроўваюць», — заявіў Пуцін.
Пры гэтым ён падкрэсліў, што супрацоўніцтва Расіі і КНДР — унутраная справа дзвюх краін.
«Сёння ратыфікаваны наш дагавор [аб усёахопным стратэгічным партнёрстве]. Там ёсць артыкул 4 [аб ваеннай дапамозе ў выпадку нападу на адну з краін], і мы ніколі анітрохі не сумняваліся, што паўночнакарэйскае кіраўніцтва ставіцца да нашых дамоўленасцяў сур'ёзна. Але што і як мы будзем рабіць — гэта ўжо наша справа ў рамках гэтага артыкула», — адзначыў Пуцін.
Раней у Нацыянальнай разведвальнай службе Паўднёвай Карэі паведамілі, што КНДР ужо перакінула першую групу вайскоўцаў ва Уладзівасток для праходжання падрыхтоўкі, а агулам Пхеньян мае намер даць Пуціну чатыры брыгады агульнай колькасцю 12 тысяч чалавек для ўдзелу ў вайне супраць Украіны.
Акрамя гэтага, на фронт могуць адправіцца падраздзяленне спецыяльнага прызначэння, а таксама лётчыкі, якія будуць кіраваць расійскімі Су-25 і МіГ-29.
ЗША таксама пацвердзілі прысутнасць паўночнакарэйскіх вайскоўцаў у Расіі ў колькасці 3 тыс. чалавек.
«Здавайцеся ў палон! Вас чакае трохразовае гарачае харчаванне». Украінцы апублікавалі зварот да салдат КНДР
Паўднёвая Карэя паабяцала адказ на ўцягванне КНДР у вайну ва Украіне
Украіна апублікавала ВІДЭА з дзясяткамі салдат КНДР, якія атрымліваюць расійскую форму
ГУР Украіны: У лістападзе на вайне акажуцца 11 000 салдат з КНДР
КНДР сцвярджае, што 1,4 млн чалавек падалі заяўкі на ўступленне ў армію
Пуцін унёс у Дзярждуму законапраект аб усеагульным стратэгічным партнёрстве з КНДР
Цяпер чытаюць
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву4
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары
Войска кндр: патрымай маё піва, сынок